ന്യൂദല്ഹി: വിശ്വസനീയമെങ്കില്, ഒരു ദൃക്സാക്ഷിയുടെ മൊഴിയെ മാത്രം അടിസ്ഥാനമാക്കി ശിക്ഷ വിധിക്കാമെന്ന് സുപ്രീം കോടതി.
‘ഒരു ദൃക്സാക്ഷിയുടെ രൂപത്തില് നേരിട്ടുള്ള തെളിവ് ഉള്ളപ്പോള്, അതിന്റെ അടിസ്ഥാനത്തില് മാത്രം ശിക്ഷ വിധിക്കുന്നതിന് നിയമപരമായ തടസ്സമൊന്നുമില്ല, കാരണം സാക്ഷികളുടെ എണ്ണമല്ല, ഗുണനിലവാരമാണ് പ്രധാനം’ കോടതി വ്യക്തമാക്കി. മന്ത്രവാദം നടത്തിയതുവഴി ഒരു പെണ്കുട്ടിയുടെ മരണത്തിന് കാരണക്കാരിയായെന്ന് ആരോപിച്ച് ഒരു സ്ത്രീയെ ക്രൂരമായി ആക്രമിച്ച് കൊലപ്പെടുത്തിയ കേസില് ജീവപര്യന്തം ശിക്ഷ ശരിവച്ചുകൊണ്ടാണ് സുപ്രീം കോടതി ഇക്കാര്യം വ്യക്തമാക്കിയത്.
കൊല്ലപ്പെട്ട സ്ത്രീയുടെ മകള് ഒരു സ്വാഭാവിക ദൃക്സാക്ഷിയാണെന്നും ആക്രമണത്തെക്കുറിച്ചുള്ള അവളുടെ വിവരണം സ്ഥിരത പുലര്ത്തുന്നുണ്ടെന്നും മെഡിക്കല് തെളിവുകളും ഇത് സ്ഥിരീകരിച്ചുവെന്നും കോടതി ചൂണ്ടിക്കാട്ടി.
മരിച്ചയാളുമായുള്ള ബന്ധമുണ്ട് എന്നതുകൊണ്ടു മാത്രം ഒരു സാക്ഷിയെ അവിശ്വസിക്കേണ്ടതില്ല.
ഒരു ദൃക്സാക്ഷിയുടെ മൊഴിയെ മാത്രം അടിസ്ഥാനമാക്കി ശിക്ഷ വിധിക്കാമെന്ന് സുപ്രീം കോടതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.