കൊച്ചി: നെടുമ്പാശേരിയിലെ ഹോട്ടലിൽ വന് തീപിടിത്തം. നെടുമ്പാശേരി അത്താണിയിലുള്ള ഗ്രാന്ഡ് മലബാര് ഹോട്ടലിലാണ് തീപിടിത്തം ഉണ്ടായത്. ഹോട്ടൽ പൂർണമായും കത്തിനശിച്ചു. മൂന്ന് ഫയർഫോഴ്സ് യൂണിറ്റുകളുടെ മണിക്കുറുകളോളം നീണ്ട ശ്രമത്തിനൊടുവിലാണ് തീ നിയന്ത്രണവിധേയമാക്കിയത്.
ആളുകള് ഭക്ഷണം കഴിച്ചുകൊണ്ടിരിക്കെയാണ് അപകടം ഉണ്ടായതെന്നാണ് വിവരം. ഉടന് തന്നെ ആളുകളെ സുരക്ഷിതരായി പുറത്തിറക്കിയെന്ന് അധികൃതര് അറിയിച്ചു.
ഇന്ന് ഉച്ചയ്ക്ക് 12 ഓടെയായിരുന്നു തീപിടിത്തമുണ്ടായത്. ഹോട്ടലിന്റെ മുൻപിലെ ചായക്കടയിൽ നിന്നാണ് തീ പടർന്നതെന്നാണ് വിവരം. തുടർന്ന് തീ ഹോട്ടലിലേയ്ക്ക് പടരുകയായിരുന്നു.
വിവരമറിഞ്ഞ് ഉടൻ തന്നെ ഫയർഫോഴ്സ് സംഘം സ്ഥലത്തെത്തി തീയണക്കാനുള്ള ശ്രമങ്ങൾ തുടങ്ങിയിരുന്നു. ഏറെ നേരത്തെ ശ്രമത്തിനൊടുവിലാണ് തീ നിയന്ത്രണവിധേയമാക്കിയത്. ആളപായമില്ലെന്നാണ് വിവരം.
