കൊച്ചി: ആഗോള സാമ്പത്തിക കൂട്ടായ്മയായ ബ്രിക്സ് രാജ്യങ്ങളുടെ വനിതാ വര്ക്കിങ് ഗ്രൂപ്പ്, മന്ത്രിതല യോഗങ്ങള്ക്ക് കൊച്ചി ഇന്നു മുതല് 9 വരെ വേദിയാകും. ബോള്ഗാട്ടി പാലസ്, ഗ്രാന്ഡ് ഹയാത്ത് ഹോട്ടല് എന്നിവിടങ്ങളില് ഇന്നും നാളെയും വനിതാ വര്ക്കിങ് ഗ്രൂപ്പ് യോഗവും 8, 9 തീയതികളില് മന്ത്രിതല യോഗവും നടക്കും.
കേന്ദ്ര വനിതാ ശിശുവികസന മന്ത്രാലയത്തിന്റെ ആഭിമുഖ്യത്തിലാണ് സമ്മേളനം സംഘടിപ്പിക്കുന്നത്. ‘ശാക്തീകരണം, നവീകരണം, സഹകരണം, സുസ്ഥിരത’ എന്നതാണ് ഈ വര്ഷത്തെ പ്രധാന പ്രമേയം. ഭാരതത്തിന് പുറമെ ബ്രസീല്, ചൈന, ഈജിപ്ത്, എത്യോപ്യ, ഇന്തോനേഷ്യ, ഇറാന്, റഷ്യ, സൗദി അറേബ്യ, ദക്ഷിണാഫ്രിക്ക, യുഎഇ എന്നീ രാജ്യങ്ങളില് നിന്നുള്ള പ്രതിനിധികള് പങ്കെടുക്കും. എട്ടിന് ആരംഭിക്കുന്ന മന്ത്രിതല യോഗത്തില് കേന്ദ്ര വനിതാ ശിശുവികസന വകുപ്പ് മന്ത്രി അന്നപൂര്ണാ ദേവി പങ്കെടുക്കും.
സമാപന ദിവസമായ ഒമ്പതിന് സംയുക്ത വനിതാ മന്ത്രിതല പ്രമേയത്തിന്റെ കരട് അവതരിപ്പിക്കും. 8, 9 തീയതികളില് ഹയാത് ഹോട്ടല് കോമ്പൗണ്ടില് പ്രത്യേക എക്സിബിഷനും
ഒരുക്കും.
