ആലപ്പുഴ:പുരാവസ്തു തട്ടിപ്പ് നടത്തിയ കേസില് ജയിലില് കഴിയുന്ന മോന്സന് മാവുങ്കലിന്റെ ആഡംബര കാറുകള് ആക്രിക്ക് വിറ്റു. ചേര്ത്തല പൊലീസ് പിടിച്ചെടുത്ത മുന്തിയ ഇനം കാറുകള്ക്കൊപ്പം ആഡംബര കാരവാനും പൊലീസ് സ്റ്റേഷന് വളപ്പില് ഉണ്ടായിരുന്നു. മുംബയിലെ സിനിമ നടിയുടെ പേരിലുള്ള വാഹനവും ഇതിലുണ്ട്.
കഴിഞ്ഞ വര്ഷം ലേലം നടത്തിയിരുന്നു.എന്നാല് രേഖകള് കൈമാറുന്നതിലെ കാലതാമസം മൂലം വാഹനങ്ങള് കൊണ്ടുപോകുന്നത് വൈകുകയായിരുന്നു.ഇന്ന് രാവിലെ മൂന്ന് വാഹനങ്ങള് കൊണ്ടുപോയി. ബാക്കിയുള്ള വാഹനങ്ങള് തിങ്കളാഴ്ച കൊണ്ടുപോകും.
ചേര്ത്തല വല്ലയില് മാവുങ്കല് വീട്ടിലെ മോന്സണ്(52)നെ പുരാവസ്തു വില്പ്പനക്കാരനെന്ന വ്യാജേന സാമ്പത്തിക തട്ടിപ്പ് നടത്തിയതിനാണ് അറസ്റ്റ് ചെയ്തത്. മകളുടെ വിവാഹനിശ്ചയ ചടങ്ങില് പങ്കെടുക്കാന് ചേര്ത്തലയിലെ വീട്ടിലെത്തിയപ്പോഴാണ് ക്രൈം ബ്രാഞ്ച് മോന്സനെ പിടികൂടിയത്.
2017 ജൂണ് മുതല് 2020 നവംബര് വരെ 10 കോടി രൂപ തട്ടിയെടുത്തെന്ന് ആറുപേര് മുഖ്യമന്ത്രിക്ക് നല്കിയ പരാതിയിലാണ് നടപടി.
