കോട്ടയം :പാലാ നഗരസഭയില് ദിയ പുളിക്കകണ്ടത്തിന്റെ നേതൃത്വത്തിലുളള ഭരണസമിതിക്ക് യുഡിഎഫ് നല്കിയ പിന്തുണ പൂര്ണമായി പിന്വലിച്ചു.ഭിന്നത രൂക്ഷമായ സാഹചര്യത്തില് കോണ്ഗ്രസ് മണ്ഡലം കമ്മിറ്റി അടിയന്തര യോഗം ചേര്ന്ന് പ്രമേയം പാസാക്കിയാണ് തീരുമാനമെടുത്തത്. കോണ്ഗ്രസ് കൗണ്സിലര്മാര് കഴിഞ്ഞദിവസം മുഖ്യമന്ത്രിയെയും രമേശ് ചെന്നിത്തലയെയും സണ്ണി ജോസഫിനെയും കണ്ട് സംസാരിച്ചിരുന്നു. ഇതിന് പിന്നാലെയാണ് നിര്ണായക തീരുമാനം.
കോണ്ഗ്രസ് പിന്തുണ പിന്വലിച്ചതോടെ നഗരസഭയില് വലിയ ഭരണപ്രതിസന്ധിയാണ് രൂപപ്പെട്ടിട്ടുളളത്. യുഡിഎഫ് പിന്തുണ പിന്വലിക്കുമെന്ന് കഴിഞ്ഞ ദിവസം സൂചന ഉണ്ടായിരുന്നു. നേരത്തേ തന്നെ അഭിപ്രായ ഭിന്നതകള് നിലനിന്ന ഭരണസമിതിയില് ഡിവൈഎഫ്ഐക്ക് സമ്മേളനം നടത്താന് ബസ് സ്റ്റാന്ഡ് അനുവദിച്ചതിലെ തര്ക്കമാണ് പൊട്ടിത്തെറിയിലേക്ക് എത്തിയത്. ഭരണമല്ല ആത്മാഭിമാനമാണ് പ്രശ്നമെന്ന് കോണ്ഗ്രസ് കൗണ്സിലര്മാര് നിലപാടെടുത്തു.
അതേസമയം, തങ്ങള് യുഡിഎഫുമായാണ് ധാരണയുണ്ടാക്കിയതെന്നും അവര് നിലപാട് പറയട്ടെ എന്നുമാണ് പുളിക്കകണ്ടം കുടുംബത്തിന്റെ നിലപാട്.
