തിരുവനന്തപുരം: സംസ്ഥാന പോലീസില്‍ വന്‍ അഴിച്ചുപണി. മൂന്ന് ഡിവൈഎസ്പിമാര്‍ക്ക് എസ്പി കേഡര്‍ നല്‍കി. പതിനഞ്ച് ഇന്സ്പെക്ടര്മാര്ക്ക് ഡിവൈഎസ്പിമാരായി സ്ഥാനക്കയറ്റം.
ആലപ്പുഴ അഡീഷണല്‍ എസ്പി ആയിരുന്ന ഗില്‍സണ്‍ മാത്യുവിനെ ആലപ്പുഴ കുറ്റാന്വേഷണ വിഭാഗം (ക്രൈം ബ്രാഞ്ച്) എസ്പി ആയും, കോഴിക്കോട് റൂറല്‍ അഡീഷണല്‍ എസ്പിയായിരുന്ന ടി.ആര്‍ ജയകുമാറിനെ കൊല്ലം, പത്തനംതിട്ട ജില്ലകളുടെ ക്രൈം ബ്രാഞ്ച് എസ്പി ആയും, കോഴിക്കോട് ക്രൈം ബ്രാഞ്ച് ഡിവൈഎസ്പി ആയിരുന്ന യു. പ്രേമനെ തിരുവനന്തപുരം വിഎസിബി സ്പെഷ്യല്‍ സെല്‍ എസ്പി ആയും സ്ഥാനക്കയറ്റം നല്‍കി മാറ്റിനിയമിച്ചു.
പതിനഞ്ച് മുതിര്‍ന്ന ഇന്‍സ്പെക്ടര്‍മാര്‍ക്കാണ് ഡിവൈഎസ്പിമാരായി സ്ഥാനക്കയറ്റം നല്‍കിയത്. നാല് ഡിവൈഎസ്പിമാരെ സ്ഥലം മാറ്റിയും ഉത്തരവായി.
