ടെഹ്റാൻ : ഇറാന്റെ മുൻ പരമോന്നത നേതാവ് ആയത്തുള്ള അലി ഖമേനിയുടെ അന്ത്യയാത്രാ ചടങ്ങ് ശനിയാഴ്ച ആരംഭിക്കും. ലോകമെമ്പാടുമുള്ള പ്രതിനിധികൾ ടെഹ്റാനിൽ എത്തിച്ചേരും. ഖമേനിയുടെ ശവപ്പെട്ടി ടെഹ്റാനിലെ ഗ്രാൻഡ് മൊസല്ലയിലെ വേദിയിൽ സ്ഥാപിച്ചിട്ടുണ്ട്. അദ്ദേഹത്തിന്റെ ജന്മനഗരമായ മഷ്ഹദിലെ ഇമാം റെസ ദേവാലയത്തിന്റെ ചുവന്ന പതാക മുൻ ശവപ്പെട്ടിക്ക് മുകളിൽ വിരിച്ചിട്ടുണ്ട്.
ഇറാൻ തങ്ങളുടെ പരമോന്നത നേതാവിന്റെ മരണത്തെ കർബലയിലെ രക്തസാക്ഷിത്വവുമായി താരതമ്യം ചെയ്യുന്നതിന്റെ സൂചനയാണിതെന്ന് യുഎസിലെ ജോർജ്ജ്ടൗൺ സർവകലാശാലയിലെ ഇസ്ലാമിക രാഷ്ട്രീയ പ്രൊഫസർ നാദിർ ഹാഷെമി പറഞ്ഞു. ചുവന്ന പതാക പ്രവാചകൻ മുഹമ്മദ് നബിയുടെ ചെറുമകനായ ഹുസൈന്റെ ത്യാഗത്തെ പ്രതീകപ്പെടുത്തുന്നു.ഏഴാം നൂറ്റാണ്ടിൽ നടന്ന കർബല യുദ്ധത്തിലാണ് ഹുസൈൻ കൊല്ലപ്പെട്ടത്, ഷിയാ ഇസ്ലാമിൽ അദ്ദേഹം വളരെ ആദരണീയനാണ്. അദ്ദേഹത്തെ രണ്ടാമത്തെ ഇമാമായി കണക്കാക്കുന്നു. കർബല യുദ്ധത്തിലെ ഹുസൈന്റെ രക്തസാക്ഷിത്വം ഷിയാ മുസ്ലീങ്ങളുടെ ധാർമ്മികതയുടെ ഒരു പ്രധാന ഉദാഹരണമായി കണക്കാക്കപ്പെടുന്നുവെന്നും അദ്ദേഹം പറഞ്ഞു.
അതിനാൽ, യുഎസ്, ഇസ്രായേലി ആക്രമണങ്ങളിൽ കൊല്ലപ്പെട്ട തങ്ങളുടെ പരമോന്നത നേതാവിന്റെ മരണത്തെ ഹുസൈന്റെ മരണവുമായി താരതമ്യം ചെയ്യാൻ ഇസ്ലാമിക് റിപ്പബ്ലിക് ഓഫ് ഇറാൻ ശ്രമിക്കുന്നു . ഖമേനിയുടെ ചിത്രങ്ങളും ശവപ്പെട്ടിയിൽ പതിച്ചിട്ടുണ്ട് . അലി ഖമേനിയുടെ സംസ്കാര ചടങ്ങുകൾ നാളെ മുതൽ ജൂലൈ 9 വരെ നടക്കും. ഇറാഖിലെ നിരവധി നഗരങ്ങളിലൂടെ അദ്ദേഹത്തിന്റെ സംസ്കാര ഘോഷയാത്രയും നടക്കും. ഷിയാ ഇസ്ലാമിന്റെ സാർവത്രികമായി അംഗീകരിക്കപ്പെട്ട നേതാവായി അലി ഖമേനിയെ സ്ഥാപിക്കുക എന്നതാണ് ഇസ്ലാമിക് റിപ്പബ്ലിക്കിന്റെ ഉദ്ദേശ്യം. ഖമേനിയെ അദ്ദേഹത്തിന്റെ ജന്മനഗരമായ മഷാദിലാണ് അടക്കം ചെയ്യുക.
