കൊൽക്കത്ത ; 15 വർഷത്തെ തൃണമൂൽ ഭരണം അവസാനിപ്പിച്ചതിന് പിന്നാലെ പശ്ചിമ ബംഗാളിൽ ഭാരതീയ ജനസംഘം സ്ഥാപകൻ ഡോ. ശ്യാമപ്രസാദ് മുഖർജിയുടെ പ്രതിമ ഉയരും. മെട്രോപോളിസിലെ ന്യൂടൗൺ ഇക്കോ പാർക്കിലാണ് ഡോ. ശ്യാമപ്രസാദ് മുഖർജിയുടെ 125 അടി ഉയരമുള്ള പ്രതിമ സ്ഥാപിക്കാൻ പദ്ധതിയിട്ടിരിക്കുന്നത് . ഡോ. മുഖർജിയുടെ 125-ാം ജന്മവാർഷികത്തിന്റെ സ്മരണയ്‌ക്കായുള്ള നിർമ്മാണമാണിത്. പദ്ധതിയുടെ ബ്ലൂപ്രിന്റ് മുഖ്യമന്ത്രി സുവേന്ദു അധികാരി തയ്യാറാക്കിയിട്ടുണ്ട്.
ഈ ചരിത്ര പദ്ധതിക്ക് ശിലാസ്ഥാപനം നടത്താൻ ആഭ്യന്തരമന്ത്രി അമിത് ഷാ ജൂലൈ 6 ന് ബംഗാൾ സന്ദർശിക്കുമെന്നാണ് പ്രതീക്ഷിക്കുന്നത് . സംസ്ഥാനത്ത് അധികാരത്തിൽ വന്ന ശേഷം ബിജെപി സർക്കാരിന്റെ ഏറ്റവും വലിയ സാംസ്കാരികവും പ്രത്യയശാസ്ത്രപരവുമായ നടപടിയായിട്ടാണ് ഇതിനെ കണക്കാക്കുന്നത്.സംസ്ഥാനത്തെ അധികാര മാറ്റത്തിനു ശേഷമുള്ള ഷായുടെ ആദ്യ സന്ദർശനമാണിത്.
