ദക്ഷിണേന്ത്യൻ സിനിമാപ്രേമികളുടെ പ്രിയതാരം സാമന്ത റൂത്ത് പ്രഭുവിന്റെ വീട്ടിൽ ഉടൻ ഒരു കുഞ്ഞുവാവയുടെ ചിരിമുഴങ്ങും. 39-കാരിയായ സാമന്ത ഇപ്പോൾ ഗർഭിണിയാണെന്ന വാർത്തയാണ് പുറത്തുവരുന്നത്. താൻ ഗർഭിണിയാണെന്ന കാര്യം ഔദ്യോഗികമായി സ്ഥിരീകരിച്ചതിന് പിന്നാലെ, തന്റെ ബേബി ബംപ് (ഗർഭകാലത്തെ വയറ്) വ്യക്തമാകുന്ന ഒരു ചിത്രം സാമന്ത ആദ്യമായി സോഷ്യൽ മീഡിയയിൽ പങ്കുവെച്ചു. ആരാധകർ ഏറെ ആവേശത്തോടെയാണ് ഈ വലിയ സർപ്രൈസ് സ്വീകരിച്ചിരിക്കുന്നത്.
ഫിറ്റ് ആയ ഒരു കറുത്ത ടി-ഷർട്ടും പൈജാമയും താരം ചിത്രത്തിലുള്ളത്. ഈ ഫിറ്റ് ടി-ഷർട്ടിൽ താരത്തിന്റെ ബംപ് വ്യക്തമായി കാണാം. തന്റെ ബേബി ബംപ് കാണിച്ചുകൊണ്ടുള്ള ചിത്രത്തിനൊപ്പം രസകരമായ ഒരു അടിക്കുറിപ്പും താരം നൽകിയിട്ടുണ്ട്. “എന്റെ സിക്സ് പാക്ക് ആബ്സ്” (My six-pack abs) എന്നാണ് താരം തമാശരൂപേണ ചിത്രത്തിന് താഴെ കുറിച്ചത്. സാമന്തയുടെ ഈ ചിത്രം സോഷ്യൽ മീഡിയയിൽ ഇതിനകം വെറലായിക്കഴിഞ്ഞിട്ടുണ്ട്.
ചിത്രം വൈറലായതോടെ ലോകമെമ്പാടുമുള്ള ആരാധകരും സിനിമാ സുഹൃത്തുക്കളും താരത്തിന് ആശംസകൾ നേർന്നുകൊണ്ട് രംഗത്തെത്തുന്നുണ്ട്. തന്റെ പുതിയ ചിത്രമായ ‘മാ ഇന്റി ബംഗാരം’ എന്ന സിനിമയുടെ വിജയ ആഘോഷങ്ങൾക്കിടയിൽ മാധ്യമങ്ങളോട് സംസാരിക്കവെയാണ് സാമന്ത ഈ സന്തോഷ വാർത്ത സ്ഥിരീകരിച്ചത്. ‘മാ ഇന്റി ബംഗാരം’ സിനിമയ്ക്ക് ശേഷം എനിക്ക് ചെറിയൊരു ഇടവേള എടുക്കേണ്ടി വരും. കാരണം എന്റെ ഇപ്പോഴത്തെ സാഹചര്യം അങ്ങനെയാണ്. എനിക്ക് (പ്രസവാവധി എടുക്കേണ്ടതുണ്ട്,” സാമന്ത മാധ്യമങ്ങളോട് പറഞ്ഞു.
അടുത്തിടെയാണ് സാമന്തയുടെ രണ്ടാം വിവാഹം നടന്നത്. പ്രശസ്ത ചലച്ചിത്ര സംവിധായകൻ രാജ് നിഡിമോരുവിനെ 2025 ഡിസംബറിലാണ് താരം രണ്ടാമത് വിവാഹം കഴിച്ചത്. അടുത്ത ബന്ധുക്കളും സുഹൃത്തുകളും മാത്രം പങ്കെടുത്ത വളരെ ലളിതമായ ഒരു ചടങ്ങായിരുന്നു ഇവരുടെ വിവാഹം. നേരത്തെ 2017-ൽ നടൻ നാഗചൈതന്യയെ സാമന്ത വിവാഹം കഴിച്ചിരുന്നെങ്കിലും, ആ ബന്ധം നീണ്ടുനിന്നില്ല. തുടർന്ന് 2021-ൽ ഇരുവരും നിയമപരമായി വേർപിരിയുകയായിരുന്നു.
