തിരുവനന്തപുരം: നവജാത ശിശുക്കള്‍ക്ക് ലഭ്യമാക്കേണ്ട പോഷകാഹാരങ്ങള്‍ ലഭിച്ചില്ലെന്ന വാര്‍ത്തയെ തുടര്‍ന്ന് അന്വേഷണത്തിന് മന്ത്രി ബിന്ദു കൃഷ്ണ നിര്‍ദേശം നല്‍കി.കൊല്ലം അച്ചന്‍കോവിലില്‍ ആദിവാസി ദമ്പതികളായ സുനിലിന്റെയും അഞ്ജുവിന്റെയും ഇരട്ട കുട്ടികള്‍ക്ക് വേണ്ട പരിപാലനം ലഭിച്ചില്ലെന്നാണ് പരാതി ഉയര്‍ന്നത്.
അമ്മയ്‌ക്കും കുഞ്ഞുങ്ങള്‍ക്കും വേണ്ട അടിയന്തര വൈദ്യസഹായം ലഭ്യമാക്കാന്‍ ജില്ലാ മെഡിക്കല്‍ ഓഫീസറെ മന്ത്രി ചുമതലപ്പെടുത്തി.എസ് ടി പ്രമോട്ടര്‍ ധനസഹായം ഉള്‍പ്പടെ ലഭ്യമാക്കാന്‍ നടപടി സ്വീകരിച്ചില്ലെന്ന പരാതി മന്ത്രി ബിന്ദു കൃഷ്ണ പട്ടികജാതി പട്ടികവര്‍ഗ, പിന്നാക്ക വിഭാഗ വികസനവകുപ്പ് മന്ത്രി കെ എ തുളസിയുടെ ശ്രദ്ധയില്‍പെടുത്തി.
ജനിച്ച ഇരട്ടക്കുഞ്ഞുങ്ങള്‍ക്ക് ഭാരക്കുറവുണ്ട്. മുലപ്പാല്‍ കുറവായതിനാല്‍ കുഞ്ഞുങ്ങള്‍ക്ക് തിളപ്പിച്ചാറിയ വെള്ളമാണ് നല്‍കുന്നത്.ഗര്‍ഭകാലത്ത് ലഭ്യമാക്കേണ്ട പോഷകാഹാരങ്ങള്‍ നല്‍കിയില്ല എന്നും എസ് ടി പ്രമോട്ടര്‍ തിരിഞ്ഞു പോലും നോക്കിയിട്ടില്ലെന്നും അമ്മ പറഞ്ഞു.
