തിരുവനന്തപുരം:ഒരു ഭാഗത്ത് ഓപ്പറേഷന്‍ തൂഫാന്‍ നടത്തുമ്പോള്‍ മറുഭാഗത്ത് ശബരിമല സ്വർണ്ണ കൊള്ളക്കേസിലെ പ്രതികളിൽ ഒരാളായ കടകംപള്ളി സുരേന്ദ്രന് തന്റെ വസതിയിൽ ആതിഥേയത്വം വഹിക്കുകയാണ് രമേശ് ചെന്നിത്തലയെന്ന് ബിജെപി സംസ്ഥാന പ്രസിഡന്‍റും എംഎല്‍എയുമായ രാജീവ് ചന്ദ്രശേഖര്‍.
രമേശ് ചെന്നിത്തലയുടെ പാർട്ടി ഹൈക്കമാൻഡും അതുതന്നെയാണ് ചെയ്യുന്നത്. ശബരിമല കൊള്ളയടിച്ച ഇടനിലക്കാരനായ ഉണ്ണികൃഷ്ണൻ പോറ്റിയെ സോണിയ ഗാന്ധി പലതവണ കണ്ടു.- രാജീവ് ചന്ദ്രശേഖര്‍ വിമര്‍ശിച്ചു.
ശബരിമല കൊള്ളയടിക്കുന്നതിലും അയ്യപ്പ വിശ്വാസികളുടെ വിശ്വാസത്തെ വഞ്ചിക്കുന്നതിലും കോൺഗ്രസും സിപിഎമ്മും രണ്ടല്ല ഒന്നാണ്. ശബരിമലയ്‌ക്കും അയ്യപ്പ വിശ്വാസികൾക്കുമെതിരായ ഈ അനീതി തുടരാൻ ബിജെപിയും എൻഡിഎയും അനുവദിക്കില്ല. നമ്മുടെ വിശ്വാസ വഞ്ചനയും നമ്മുടെ പുണ്യസ്ഥലങ്ങളുടെ കൊള്ളയും തുടരാൻ കേരളത്തിലെ ജനങ്ങൾ അനുവദിക്കില്ലെന്നും രാജീവ് ചന്ദ്രശേകര്‍ പറഞ്ഞു.
