മലപ്പുറം : ഓൺലൈനായി ഇംഗ്ലീഷിൽ മദ്രസ ക്ലാസുകളെടുക്കുന്ന ILM-ലൈറ്റ് അക്കാദമിയുടെ പോസ്റ്റർ വൈറലാകുന്നു. ILM-ലൈറ്റ് അക്കാദമിക്ക് പിന്നിലെ ടീമിനെ പരിചയപ്പെടുത്തുന്നുവെന്ന പേരിലാണ് പോസ്റ്റർ പങ്ക് വച്ചിരിക്കുന്നത് . എന്നാൽ 11 അംഗ ടീമിൽ ആറ് ഇസ്ലാം പണ്ഡിതന്മാരായ പുരുഷന്മാരുടെ മുഖം മാത്രമേ കാണിച്ചിട്ടുള്ളൂ.
ക്ലാസുകളെടുക്കുന്ന അധ്യാപികമാരുടെയോ , സഹസ്ഥാപകയായ മറിയം ഹബീബ ഹാദിയയുടെ ചിത്രം വ്യക്തമല്ല. പർദയിട്ട് മുഖം മറച്ചിരിക്കുന്ന ചിത്രമാണ് പോസ്റ്ററിനൊപ്പം കൊടുത്തിരിക്കുന്നത്. വിവിധ പ്രദേശങ്ങളിൽ നിന്നുള്ള അക്കാദമിക് കൗൺസിലർമാരുടെ പിന്തുണയോടെ, ലോകമെമ്പാടുമുള്ള വിദ്യാർത്ഥികൾക്ക് ഗുണനിലവാരമുള്ള ഇസ്ലാമികവും അക്കാദമിക് വിദ്യാഭ്യാസവും നൽകാൻ ശ്രമിക്കുന്നുവെന്നാണ് പോസ്റ്ററിൽ പറയുന്നത്.
എന്നാൽ അക്കാദമിക് വിദ്യാഭ്യാസം നൽകുന്നവർ പോലും ഇത്രയും യാഥാസ്ഥികമായി ചിന്തിക്കുന്നവരാണെങ്കിൽ പഠിക്കുന്ന വിദ്യാർത്ഥികളുടെ അവസ്ഥ എന്തായിരിക്കുമെന്നാണ് സമൂഹമാധ്യമങ്ങൾ ചോദിക്കുന്നത്.
