മോഹൻലാലിന് സ്നേഹം പകരുന്ന വൈകാരിക കുറിപ്പുമായി നടൻ അപ്പാനി ശരത് .
താരത്തിന്റെ വാക്കുകളിലേക്ക് …
“ഏട്ടൻ” എന്ന വാക്കിന് മലയാളത്തിൽ ഒരൊറ്റ അർത്ഥമേ ഉള്ളൂ… എന്റെ ലാലേട്ടൻ..! ❤️
നമ്മൾ പല കാര്യങ്ങൾ കൊണ്ടും ഭാഗ്യം ചെയ്തവരാണ്… സച്ചിന്റെ ബാറ്റിംഗ് ലൈവ് കാണാൻ കഴിഞ്ഞവർ, എ.ആർ. റഹ്മാന്റെ മാസ്റ്റർപീസുകൾ കാസറ്റിൽ കേൾക്കാൻ കഴിഞ്ഞവർ, മെസ്സിയുടെയും റൊണാൾഡോയുടെയും മാജിക് നിമിഷങ്ങൾ എണ്ണിയിരുന്നവർ… മോഹൻലാൽ യുഗത്തിൽ ജീവിക്കാൻ കഴിഞ്ഞവർ..!!
പലവട്ടം കണ്ടിട്ടുണ്ടെങ്കിലും, ഒരുമിച്ച് അഭിനയിച്ചിട്ടുണ്ടെങ്കിലും, നേരിൽ കാണുന്ന ഓരോ നിമിഷത്തിലും ഉള്ളം കൈ വിറക്കാൻ തുടങ്ങും… ശ്വാസം മൂക്കിൻതുമ്പിൽ വന്ന് തങ്ങിനിൽക്കും…
മുന്നിൽ നിൽക്കുന്നത് തിരശീലകളെ തീപിടിപ്പിച്ച ഒരു പ്രതിഭയാണ്… ഇരട്ടിക്കും അതിനിരട്ടിക്കും കാശ് കൊടുത്ത് ടിക്കറ്റ് എടുക്കാൻ എന്നിൽ ആവേശം നിറച്ച പ്രതിഭാസമാണ്… മലയാളത്തിന്റെ മഹാനടനാണ്..!!
നന്ദി ലാലേട്ടാ, സ്നേഹത്തിന്… ചേർത്ത് പിടിക്കലുകൾക്ക്… “എന്താ മോനെ?” എന്ന സുഖാന്വേഷണത്തിന്…
നന്ദി… മലയാളത്തിന്റെ ഏട്ടനായി തുടരുന്നതിന്.
