കൊച്ചി: വ്യാജവും അശ്ലീലം നിറഞ്ഞതുമായ വിഡിയോ നിര്മിച്ച് സാമൂഹ്യ മാധ്യമത്തിലൂടെ പ്രചരിപ്പിച്ച് സ്ത്രീത്വത്തെ അപമാനിച്ചെന്നാരോപിച്ച് പൊലീസില് പരാതി നല്കി നടി അന്സിബ ഹസന്. നടി ലക്ഷ്മി പ്രിയ. ‘കാന് ചാനല് മീഡിയ’ ഉടമ സുകുമാര്, നടി ശ്വേതാ മേനോന് എന്നിവര്ക്കെതിരെയാണ് പാലാരിവട്ടം പൊലീസ് സ്റ്റേഷനില് പരാതി നല്കിയത്.
അത്യന്തം അപകീര്ത്തികരവും അസത്യവുമായ കാര്യങ്ങള് പറഞ്ഞ് പൊതുസമൂഹ മധ്യത്തില് തന്നെ മോശക്കാരിയാക്കാന് ബോധപൂര്വമായ ശ്രമം നടക്കുന്നുണ്ടെന്ന് നടിയുടെ പരാതിയില് പറയുന്നു. ‘കാന് ചാനല് മീഡിയ’ എന്ന പേജിലൂടെ ലക്ഷ്മി പ്രിയ, സുകുമാര് എന്നയാളുടെ സഹായത്തോടെ തനിക്കെതിരെ ഗുരുതരമായ ആരോപണങ്ങള് ഉന്നയിക്കുന്ന വിഡിയോ പ്രചരിപ്പിച്ചെന്നാണ് അന്സിബയുടെ പരാതി.
ഒരു സ്ത്രീ എന്ന നിലയില് പൊതുസമൂഹത്തില് തന്നെ മോശക്കാരിയാക്കാന് ബോധപൂര്വം ശ്രമിച്ച ലക്ഷ്മി പ്രിയ, ഒത്താശ ചെയ്ത ചാനല് ഉടമ, ഇതിന് ഗൂഢാലോചന നടത്തിയ ശ്വേതാ മേനോന് എന്നിവര്ക്കെതിരെ കര്ശന നടപടി വേണമെന്ന് അന്സിബ ആവശ്യപ്പെട്ടു.നേരത്തെയും ലക്ഷ്മിപ്രിയ, നടന് ടിനിടോം എന്നിവര്ക്കെതിരെ പൊലീസില് പരാതി അന്സിബ പരാതി നല്കിയിരുന്നെങ്കിലും പരാതിയില് കഴമ്പില്ലെന്നായിരുന്നു ഇവരുടെയെല്ലാം മൊഴിയെടുത്ത ശേഷം പൊലീസ് വിലയിരുത്തിയത്.
