തിരുവനന്തപുരം: വീര്യം കുറഞ്ഞ മദ്യത്തിന്റെ വിപണനം സംബന്ധിച്ച് യുഡിഎഫ് തീരുമാനമെടുക്കുമെന്ന് എക്സൈസ് മന്ത്രി എം ലിജു. വിഷയത്തില് തന്റെ വ്യക്തിപരമായ അഭിപ്രായത്തിന് പ്രസക്തിയില്ല.
ഏത് മദ്യ വില്പന ആയാലും എക്സൈസ് വിഭാഗം അറിഞ്ഞിരിക്കണം.ബജറ്റ് നിര്ദ്ദേശം എക്സൈസ് മന്ത്രി അറിയണമെന്നില്ല. വീര്യം കുറഞ്ഞ ബക്കാഡി മദ്യം സംസ്ഥാനത്ത് ആദ്യം ഇറക്കിയത് എല്ഡിഎഫ് സര്ക്കാരാണെന്നും അത് സൈനിക കാന്റീനുകള് വഴി വില്ക്കുന്നുമുണ്ടെന്ന് എം ലിജു പറഞ്ഞു. വി എം സുധീരന് അദ്ദേഹത്തിന്റെ അഭിപ്രായമാണ് പറഞ്ഞത്.
വിമര്ശനം ഉണ്ടായതോടെ വീര്യം കുറഞ്ഞ മദ്യത്തിന് കുറഞ്ഞ വില്പ്പന നികുതിയെന്ന നിര്ദ്ദേശം പിന്വലിക്കാതെ മുഖ്യമന്ത്രി വില്പന അനുമതിയില് തീരുമാനം യുഡിഎഫിന് വിടുക ആയിരുന്നു.മതമേലധ്യക്ഷരും എതിരഭിപ്രായം പ്രകടിപ്പിച്ചതോടെ ആണ് വില്പ്പനാനുമതി യുഡിഎഫിനോട് തേടുന്നത്. യുഡിഎഫ് അനുമതി കിട്ടിയാല് ബജറ്റ് നിര്ദ്ദേശിച്ച നികുതിയാകും ചുമത്തുകയെന്നാണ് മുഖ്യമന്ത്രി നിയമസഭയില് പറഞ്ഞത്. നികുതി കുറച്ചത് അതേ പടി അവതരിപ്പിക്കുന്ന ഫിനാന്സ് ബില്ലില് വന്നാല് മദ്യകമ്പനികള്ക്ക് അപേക്ഷ നല്കാനാകും.
