വാഷിംഗ്ടൺ ; പലപ്പോഴും നിലപാടുകളുടെ പേരിൽ വാർത്തകളിൽ ഇടം പിടിച്ചിട്ടുള്ള വ്യക്തിയാണ് യുഎസ് വൈസ് പ്രസിഡന്റ് ജെ.ഡി. വാൻസ് . ഇപ്പോൾ പാകിസ്ഥാനെ പുകഴ്ത്തിയതിന്റെ പേരിൽ മേക്ക് അമേരിക്ക ഗ്രേറ്റ് എഗെയ്ൻ (മാഗ) പിന്തുണക്കാരിൽ നിന്നും ഏറെ വിമർശനവും വാൻസിന് ഏറ്റുവാങ്ങേണ്ടി വന്നു.
തന്റെ ജീവിതത്തിൽ വളരെ പ്രധാനപ്പെട്ട രണ്ട് ആളുകളുണ്ടെന്നായിരുന്നു വാൻസിന്റെ പ്രസ്താവന. “ അതിലൊന്ന് ,ഒരു ഇന്ത്യക്കാരനും ഒരു പാകിസ്ഥാനിയുമാണ് . ഇന്ത്യക്കാരൻ എന്റെ ഭാര്യയാണ്, പാകിസ്ഥാനി ഫീൽഡ് മാർഷൽ മുനീറും ആണ്.” ഞാൻ പാകിസ്ഥാനെ സ്നേഹിക്കുന്നു. ” എന്നായിരുന്നു വാൻസിന്റെ പ്രസ്താവന. ഒസാമ ബിൻ ലാദനെ ഒരു ദശാബ്ദക്കാലം ഒളിപ്പിക്കുകയും, ഖത്തറിലെ യുഎസ് നാവികത്താവളം ആക്രമിക്കാൻ വരെ ഇറാഖിന് പിന്തുണ നൽകിയ പാകിസ്ഥാനെ പിന്തുണയ്ക്കുന്ന വാൻസിനെതിരെ ആദ്യം ശബ്ദമുയർത്തിയത് റിപ്പബ്ലിക്കൻ സെനറ്റർ റിക്ക് സ്കോട്ടാണ്.
കുറച്ചു ദിവസങ്ങൾക്ക് മുമ്പ്, വാൻസിന്റെ ഭാര്യ ഉഷ വാൻസ് തന്നെ താൻ കത്തോലിക്കാ മതത്തിലേക്ക് പരിവർത്തനം ചെയ്യേണ്ട ആവശ്യമില്ലെന്ന് പറഞ്ഞതും വാർത്തയായിരുന്നു. “വളരെ സ്ഥിരതയുള്ള ഒരു ഹിന്ദു കുടുംബത്തിലാണ് ഞാൻ വളർന്നത്… വ്യത്യസ്തമായ എന്തെങ്കിലും കണ്ടെത്തേണ്ട ആവശ്യം എനിക്ക് തോന്നിയില്ല . എനിക്ക് മതം മാറേണ്ട ആവശ്യമില്ലായിരുന്നു, എന്റെ മതത്തിൽ ഞാൻ പൂർണ്ണമായും തൃപ്തയാണ്, നന്ദി” എന്നായിരുന്നു ഉഷ വാൻസ് പറഞ്ഞത്.എന്നാൽ പലപ്പോഴും ജെ ഡി വാൻസ് തന്റെ കത്തോലിക്കാ വിശ്വാസത്തെക്കുറിച്ച് തുറന്നു പറഞ്ഞിട്ടുണ്ട്. കുടുംബം അത് സ്വീകരിക്കുമെന്ന് പ്രതീക്ഷിക്കുന്നുവെന്നും അദ്ദേഹം പറഞ്ഞിട്ടുണ്ട്. അതേസമയം ഉഷ വാൻസ് തന്റെ ഹിന്ദു വിശ്വാസത്തിൽ തന്നെ അഭിമാനത്തോടെ ഉറച്ചുനിൽക്കുകയാണ്.
