ഇടുക്കി: അടിമാലിയില്‍ അര്‍ബുദ രോഗബാധിതയെ കെട്ടിയിട്ട് പണം കവര്‍ന്നെന്ന് പരാതി. വിവേകാനന്ദ നഗര്‍ സ്വദേശിനി കളരിക്കല്‍ ഉഷ സന്തോഷിനെയാണ് കട്ടിലില്‍ കെട്ടിയിട്ട് വായില്‍ തുണി തിരുകിയ ശേഷം പണം കവര്‍ന്നത്.
വീട്ടിലുണ്ടായിരുന്ന 16000 രൂപയാണ് നഷ്ടമായി.വ്യാഴാഴ്ച രാവിലെ ഏഴോടെയാണ് സംഭവം.
കീമോ തെറാപ്പിക്ക് ശേഷം വീട്ടില്‍ വിശ്രമത്തിലായിരുന്നു ഉഷ സന്തോഷ്.വീട്ടില്‍ മറ്റാരുമില്ലാതിരുന്ന സമയത്തായിരുന്നു മോഷണം. അയല്‍വാസികള്‍ ഇവരെ അന്വേഷിച്ച് വീട്ടിലെത്തിയപ്പോഴാണ് കട്ടിലില്‍ കെട്ടിയിട്ട നിലയില്‍ കണ്ടെത്തിയത്. ഉടനെ അടിമാലി പൊലീസില്‍ വിവരം നല്‍കി. അര്‍ബുദബാധിതയായി ഏറെ നാളായി ചികിത്സയിലായിരുന്നു ഇവര്‍. ഉഷയും ഭര്‍ത്താവും മകളും മാത്രമാണ് വീട്ടിലുള്ളത്.
നാട്ടുകാര്‍ ചേര്‍ന്നാണ് ഇവരുടെ ചികിത്സയ്‌ക്കാവശ്യമായ പണം പിരിച്ചുനല്‍കിയത്. ഈ തുകയുള്‍പ്പെടെയാണ് മോഷണം പോയത്.
