തിരുവനന്തപുരം: സതാതന ധര്മ്മത്തെ ഉന്മൂലനം ചെയ്യാന് ശ്രമിക്കുന്നവരാണ് മുന്പുണ്ടായിരുന്ന ഡിഎംകെ സര്ക്കാരും ഇപ്പോള് അവിടെയുള്ള ടിവികെ സര്ക്കാരുമെന്ന് ഡോ. ടി.പി. സെന്കുമാര്. ഹൈക്കോടതിവിധിയിലൂടെ ബലത്തില് മാത്രമാണ് തമിഴ്നാട്ടില് സനാതനധര്മ്മം പിടിച്ചു നില്ക്കുന്നത്. തിരുപ്പുറകുണ്ഡ്രത്തെക്കുറിച്ചുള്ള കോടതി വിധി അവിടെ നടപ്പാക്കില്ല എന്ന് അവിടുത്തെ മന്ത്രി (മുഖ്യമന്ത്രി വിജയ്) പ്രസ്താവിച്ചത് നമ്മള് കണ്ടു. – ഡോ. ടി.പി. സെന്കുമാര് പറഞ്ഞു.
തിരുപ്പുറക്കുണ്ഡ്രത്തെ ദീപത്തൂണുകളില് ദീപം തെളിയിക്കുന്ന കോടതിവിധി നടപ്പാക്കില്ലെന്ന് തമിഴ്നാട് മുഖ്യമന്ത്രി ജോസഫ് വിജയ് നടത്തിയ പ്രസ്താവനയെയാണ് ഡോ. ടി.പി. സെന്കുമാര് എടുത്തുപറഞ്ഞത്.
കോയമ്പത്തൂരില് മാരിയമ്മന് കോവിലിനരികെ ഒരു ക്രിസ്ത്യന് പള്ളി നിര്മ്മിക്കുന്നതിനെതിരെ മദ്രാസ് ഹൈക്കോടതി ഉത്തരവിട്ടത് ഗൗരവത്തോടെ കാണേണ്ട സംഭവമാണെന്നും ഡോ. ടി.പി. സെന്കുമാര് ചൂണ്ടിക്കാട്ടി.
“തമിഴ്നാട്ടില് നടക്കുന്നത് എന്താണ്? സനാതന ധര്മ്മത്തെ ഉന്മൂലനം ചെയ്യാനായിട്ട് തയ്യാറായിരിക്കുന്ന ഒരു വിഭാഗമാണ് (ഡിഎംകെ സര്ക്കാര്) അവിടെ ഭരിച്ചിരുന്നത്. അതിന് ശേഷം അവിടെ ഭരണത്തില് വന്നവരും (ടിവികെ സര്ക്കാര്) അതില്തന്നെ പെടുന്നവരാണ് എന്ന ഒരു കാര്യമുണ്ട്. ഇനിയും നമ്മള് പ്രതികരിക്കുന്നില്ല എന്നുണ്ടെങ്കില് ഈ സംസ്ഥാനം തന്നെ നമ്മുടെ കയ്യില് നിന്നും വിട്ടുപോകും. അതിനാല് പ്രഥമപരിഗണന കൊടുക്കേണ്ട സംസ്ഥാനങ്ങളായി പഞ്ചാബും തമിഴ്നാടും മാറേണ്ടിയിരിക്കുന്നു.” – അദ്ദേഹം പറഞ്ഞു.
