കോഴിക്കോട് മെഡിക്കല്‍ കോളേജില്‍ ബ്ലഡ് ബാങ്കിലെ രക്തം സൂക്ഷിക്കുന്ന യൂണിറ്റിന്റെ കോപ്പര്‍ വയറുകള്‍ മോഷണം പോയി, രക്തം സൂക്ഷിക്കാന്‍ പകരം സംവിധാനം ഇല്ലാത്തതില്‍ പ്രതിസന്ധി
കോഴിക്കോട് : മെഡിക്കല്‍ കോളേജ് ആശുപത്രിയില്‍ ബ്ലഡ് ബാങ്കിലെ രക്തം സൂക്ഷിക്കുന്ന യൂണിറ്റിന്റെ കോപ്പര്‍ വയറുകള്‍ മോഷണം പോയി.ട്രാന്‍ഷന്‍ മെഡിസിന്‍ വിഭാഗത്തിലെ കോള്‍ഡ് റൂമുകളുടെ നാല് ഔട്ട്‌ഡോര്‍ യൂണിറ്റുകളുടെ കോപ്പര്‍ വയറുകള്‍ ആണ് മോഷ്ടിക്കപ്പെട്ടത്.നിലവില്‍ രക്തം സൂക്ഷിക്കാന്‍ സംവിധാനം ഇല്ലാത്തത് വലിയ പ്രതിസന്ധിയാണ് സൃഷ്ടിച്ചിരിക്കുന്നത്.
മലബാറിലെ ഏറ്റവും തിരക്കുള്ള മെഡിക്കല്‍ കോളേജിലാണ് കോള്‍ഡ് റൂമുകളുടെ നാല് ഔട്ട്‌ഡോര്‍ യൂണിറ്റുകളുടെ കോപ്പര്‍ വയറുകള്‍ മോഷണം പോയത്.നാലുമീറ്റര്‍ വീതമുള്ള കോപ്പര്‍ പൈപ്പുകള്‍ പൂര്‍ണമായി മുറിച്ചെടുത്തതിനാല്‍ കംപ്രസര്‍ യൂണിറ്റില്‍ വെള്ളംകയറി കോള്‍ഡ് റൂമം സംവിധാനം പൂര്‍ണമായി പ്രവര്‍ത്തനരഹിതമായി.നിലവില്‍ രക്തം സൂക്ഷിക്കാന്‍ സംവിധാനം ഇല്ല. രക്തം സൂക്ഷിക്കാന്‍ ശീതികരിച്ച സംവിധാനം വേണമെന്നതിനാല്‍ മറ്റ് വകുപ്പുകളുടെ ഫ്രിഡ്ജുകളിലാണ് നിലവില്‍ രക്തം സൂക്ഷിക്കുന്നത്.
മെഡിക്കല്‍ കോളേജ് പൊലീസ് കേസെടുത്ത് അന്വേഷണം നടത്തുന്നുണ്ട്.
