പത്തനംതിട്ട: വിവാഹശേഷവും ഭാര്യ പരപുരുഷ ബന്ധം തുടരുകയും നേരത്തെ നടത്തിയ ഗര്ഭഛിദ്രം മറച്ചുവയ്ക്കുകയും ചെയ്തതിനെതിരെ നല്കിയ പരാതിയില് മരട് സ്വദേശിയായ യുവാവിന് 15 ലക്ഷം രൂപ നഷ്ടപരിഹാരം വിധിച്ച് പത്തനംതിട്ട കുടുംബ കോടതി. വരന്റെ കുടുംബം നല്കിയ 32 ഗ്രാം സ്വര്ണാഭരണമോ അഥവാ, വിപണി മൂല്യമോ 6 ശതമാനം പലിശ സഹിതം തിരികെ നല്കാനും കോടതി ഉത്തരവായി. വിവാഹത്തിന് മുന്കൈയെടുത്ത യുവതിയുടെ അമ്മ, സഹോദരന്മാര്, സുഹൃത്ത് എന്നിവര് ചേര്ന്ന് നഷ്ടപരിഹാരം നല്കണം.
വിവാഹശേഷവും യുവതി അവിഹിത ബന്ധം തുടര്ന്നു. നേരത്തേ ഗര്ഭഛിദ്രം നടത്തിയ വിവരം മറച്ചുവെക്കുകയും ചെയ്തുവെന്ന് യുവാവ് ചൂണ്ടിക്കാട്ടി. വഞ്ചന, മാനസിക പീഡനം, കുടുംബത്തിന്റെ അന്തസ് തകര്ക്കല് എന്നിവ പരിഗണിച്ചാണ് 15 ലക്ഷം രൂപ നഷ്ടപരിഹാരം അനുവദിച്ചതെന്ന് ജഡ്ജി ഡോണി തോമസ് വര്ഗീസ് വ്യക്തമാക്കി.
ഹര്ജിക്കാരന്റെയും യുവതിയുടെയും രണ്ടാം വിവാഹമായിരുന്നു ഇത്.
വിവാഹശേഷവും ഭാര്യയുടെ പരപുരുഷ ബന്ധം: ഭര്ത്താവിന് 15 ലക്ഷം രൂപ നഷ്ടപരിഹാരം വിധിച്ച് കുടുംബ കോടതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.