സാധാരണക്കാർക്കു പ്രിയങ്കരമായ പോസ്റ്റ് ഓഫീസ് ആർഡിയിലൂടെ ലക്ഷങ്ങൾ സമ്പാദിക്കാം. വലിയൊരു തുക ഒരുമിച്ച് നിക്ഷേപിക്കേണ്ടതില്ല എന്നതാണ് ഈ പദ്ധതിയുടെ ഏറ്റവും വലിയ പ്രത്യേകത. പോസ്റ്റ് ഓഫീസ് ആർഡിയിലൂടെ 17 ലക്ഷം രൂപ എങ്ങനെ സമ്പാദിക്കാമെന്ന് ഇനി പറയുന്ന കാര്യങ്ങൾ ശ്രദ്ധിച്ചാൽ മനസ്സിലാവും. ദിവസവും ഏകദേശം മുന്നൂറ് രൂപയിൽ കൂടുതൽ മാറ്റിവെച്ചാൽ 17 ലക്ഷം രൂപ സമ്പാദിക്കാൻ സാധിക്കും.
കുറഞ്ഞ നിക്ഷേപത്തിൽ തുടങ്ങാമെന്നതിനാൽ കുറഞ്ഞ വരുമാനക്കാർക്ക് മികച്ചതാണ് പോസ്റ്റ് ഓഫീസ് ആർഡി. പോസ്റ്റ് ഓഫീസ് ആർഡി അക്കൗണ്ടിന്റെ കാലാവധി 5 വർഷമാണ്. എന്നാൽ ഇത് വീണ്ടും ഒരു 5 വർഷത്തേക്ക് കൂടി നീട്ടി ആകെ 10 വർഷത്തെ കാലാവധിയാക്കി മാറ്റുമ്പോൾ കൂട്ടുപലിശയുടെ നേട്ടം നിക്ഷേപകന് ലഭിക്കുന്നു.
അക്കൗണ്ട് ആരംഭിച്ച് 1 വർഷം പൂർത്തിയായാൽ നിങ്ങളുടെ അക്കൗണ്ടിലുള്ള തുകയുടെ 50% വരെ ആവശ്യഘട്ടങ്ങളിൽ ലോൺ ആയി കൈപ്പറ്റാവുന്നതാണ്. മാസമാസം അടയ്ക്കാൻ ബുദ്ധിമുട്ടുള്ളവർക്ക് 6 മാസത്തെയും 12 മാസത്തെയും തുക ഒന്നിച്ച് മുൻകൂറായി അടയ്ക്കാനും സൗകര്യമുണ്ട്.നിങ്ങളുടെ അടുത്തുള്ള ഏതെങ്കിലും പോസ്റ്റ് ഓഫീസിൽ ചെന്ന് ഐഡന്റിറ്റി പ്രൂഫും ഫോട്ടോയും നൽകി വെറും 100 രൂപയ്ക്ക് പോലും ഈ ആർഡി അക്കൗണ്ട് ആരംഭിക്കാവുന്നതാണ്.
ഓൺലൈൻ ബാങ്കിംഗ് സൗകര്യമുള്ളവർക്ക് വീട്ടിലിരുന്ന് തന്നെ മൊബൈൽ ആപ്പ് വഴിയും നിക്ഷേപം തുടങ്ങാം.കാലാവധി 5 വർഷമാണ്. എന്നാൽ ഇത് വർഷത്തെ കാലാവധിയാക്കി മാറ്റുമ്പോൾ കൂട്ടുപലിശയുടെ നേട്ടം നിക്ഷേപകന് ലഭിക്കുന്നു. ഉദാഹരണത്തിന്, നിങ്ങൾ ഓരോ മാസവും 10,000 രൂപ വീതം 5 വർഷത്തേക്ക് നിക്ഷേപിക്കുന്നുവെന്ന് കരുതുക. ഇതോടെ ആകെ നിക്ഷേപിച്ച തുക 6 രൂപയാകുന്നു. പലിശ ചേർത്ത് 5 വർഷത്തിന് ശേഷം ലഭിക്കുന്ന ആകെ തുക 7,13,659 രൂപ. ഇവിടെ 1,13,659 രൂപയാണ് പലിശ നിരക്കിൽ ലഭിക്കുന്നത്.
ഇനി, പദ്ധതി 10 വർഷത്തേക്ക് നീട്ടുമ്പോൾ ആകെ 120 മാസങ്ങൾ ആകുന്നു. 10 വർഷത്തെ ആകെ നിക്ഷേപിച്ച തുക 12 ലക്ഷം രൂപ. 10 വർഷത്തിന് ശേഷം ലഭിക്കുന്ന അന്തിമ തുക 17,08,546 രൂപ. അതായത്, പലിശ നിരക്കിൽ മാത്രം 5,08,546 രൂപ ഉറപ്പാക്കാം.അതായത്, ദിവസവും 333 രൂപ മിച്ചം വെച്ചാൽ മാസം ഏകദേശം 10,000 രൂപയാകും. അഞ്ച് വർഷം കൊണ്ട് നിങ്ങളുടെ നിക്ഷേപം 6 ലക്ഷമാകും, പലിശ സഹിതം ഇത് 7,13,659 രൂപയിലെത്തും. 10 വർഷം തുടർന്നാൽ നിക്ഷേപം 12 ലക്ഷവും പലിശയടക്കം മൊത്തം തുക 17,08,546 രൂപയുമാകും. അതായത്, പലിശയിൽ നിന്ന് മാത്രം 5 ലക്ഷത്തിലധികം രൂപ നമുക്ക് സമ്പാദിക്കാനാവും.
