പാലക്കാട്: കരിമ്പുഴ പഞ്ചായത്തില് ഡെങ്കിപ്പനി പടരുന്നു.കരിപ്പമണ്ണ വാര്ഡിലെ പുളിക്കാഞ്ചേരി വള്ളിക്കാട്ടില് മോഹനന്റെ മകന് അധ്യാപകനായ ജിജോ മോഹന് (43) മരിച്ചു. താഴെക്കോട് പി.ടി.എം ഹയര് സെക്കന്ഡറി സ്കൂളിലെ അധ്യാപകനായിരുന്നു.
അടുത്തിടെ പഞ്ചായത്തില് റിപ്പോര്ട്ട് ചെയ്യുന്ന രണ്ടാമത്തെ ഡെങ്കിപ്പനി മരണമാണ് ഇത്.കഴിഞ്ഞ ആഴ്ച പനി ബാധിച്ച ജിജോ മോഹന് ആദ്യം കരിങ്കല്ലത്താണിയിലെ സ്വകാര്യ ക്ലിനിക്കില് ചികിത്സ തേടി. ആരോഗ്യനില വഷളായതിനെ തുടര്ന്ന് വെള്ളിയാഴ്ച പെരിന്തല്മണ്ണയിലെ സ്വകാര്യ ആശുപത്രിയിലേക്ക് മാറ്റി. തീവ്രപരിചരണ വിഭാഗത്തില് ചികിത്സയിലിരിക്കെ ചൊവ്വാഴ്ചയാണ് മരിച്ചത്.
കഴിഞ്ഞ ശനിയാഴ്ച പോമ്പ്ര അമ്പലപ്പാടം കന്നിച്ചാലില് താമസിച്ച് വന്ന മറിയ ഡെങ്കിപ്പനി ബാധിച്ച് മരിച്ചിരുന്നു.കരിമ്പുഴ ഗ്രാമപഞ്ചായത്തിന്റെയും കുടുംബാരോഗ്യ കേന്ദ്രത്തിന്റെയും നേതൃത്വത്തില് ഡെങ്കിപ്പനി പ്രതിരോധ പ്രവര്ത്തനങ്ങള് ശക്തമാക്കി.
