കൊച്ചി: മാതാ അമൃതാനന്ദമയിയുടെ അത്ഭുതമോ അതോ വിധിയോ എന്തെന്ന് അറിയില്ല, സലിംകുമാര് മാതാ അമൃതാനന്ദമയിയോട് പറഞ്ഞ തമാശ സത്യമായി ഭവിച്ചു. തനിക്ക് 45 വയസ്സേ ഉള്ളൂവെന്നും അമൃത ഹോസ്പിറ്റലില് അത് 56 എന്നാണ് എഴുതിയതെന്നും ആണ് നടന് സലിം കുമാര് അമ്മയോട് പാതി തമാശയായി പറഞ്ഞത്. എന്തായാലും സലിംകുമാര് മരിയ്ക്കുമ്പോള് വയസ്സ് 56.
പതിനൊന്നു വർഷം മുൻപാണ്. സലീംകുമാർ ഗുരുതരമായി അസുഖം മൂർച്ഛിച്ചപ്പോൾ അമൃത ഹോസ്പിറ്റലിൽ ചികിത്സക്ക് എത്തി. ഒരാളും അദ്ദേഹത്തെ തിരിഞ്ഞു നോക്കാൻ ഇല്ലാത്ത അവസ്ഥ. സിനിമക്കാരും രാഷ്ട്രീയ ക്കാരും ആരും ഉണ്ടായില്ല. ചികിത്സാച്ചെലവ് ഭാരിച്ചതാണ്.
അദ്ദേഹത്തെ ചികിൽസിക്കുന്ന ഡോക്ടർ ഷൈൻ പറഞ്ഞു “നിങ്ങൾ അമ്മയെ പോയി ഒന്നു കാണൂ” എന്ന് . അങ്ങനെ സലീംകുമാർ അമൃതനന്ദമയി ദേവിയെ കാണാൻ പോയി. അമ്മ ചോദിച്ചു മോൻ എന്താണ് ഇപ്പൊ വന്നത് എന്ന്. സലീം കുമാർ വളരെ തമാശ കലർത്തി പറഞ്ഞു “അമ്മേ ഞാൻ ഇപ്പോൾ അമൃത ഹോസ്പിറ്റലിൽ ചികിത്സയിൽ ആണ്. എനിക്ക് ഇപ്പോൾ 45വയസ്സേ ഉള്ളൂ പക്ഷെ ഹോസ്പിറ്റലിൽ 56 എന്നാണ് എഴുതിയിരിക്കുന്നത്. അത് ഒന്നു തിരുത്തി തരണം ” അമ്മ ചിരിച്ചു കൊണ്ട് സലീം കുമാറിനെ ആശ്വസിപ്പിച്ചു പറഞ്ഞയച്ചു.അമൃത ഹോസ്പിറ്റലിൽ ചികിത്സ ഫ്രീ ആക്കി കൊടുത്തു. അത്ഭുതം എന്ന് പറയട്ടെ സലീം കുമാർ മരിക്കുമ്പോൾ പ്രായം 56.
പ്രിയ സലീമേട്ടാ അമൃതാനന്ദമയി അമ്മയോട് ഒരു 75 എങ്കിലും പറയാമായിരുന്നില്ലേ???? എന്ന് പലരും സമൂഹമാധ്യമങ്ങളില് ഇപ്പോള് ദുഖം കടിച്ചമര്ത്തി ചോദിക്കുന്നു. എങ്കില് 75 വയസ്സുവരെ അമ്മ ജീവിപ്പിച്ചേനെ. ഒന്നിലും വിശ്വാസമില്ലാത്ത സലിംകുമാറിന് അമ്മയെ ഇഷ്ടമായി. താന് ഇപ്പോഴും ഇങ്ങനെ നില്ക്കാന് കാരണം അമൃതാനന്ദമയിയാണെന്നും തനിക്ക് പ്രയാസങ്ങള് വരുമ്പോഴെല്ലാം അമ്മയെ കാണാന് ചെല്ലുമെന്നും അദ്ദേഹം പിന്നീട് തുറന്നു പറയാന് മടികാട്ടിയില്ല.
“എന്റെ ഡീസല് തീരുമ്പോഴാണ് അമ്മയെ ഓരോ പ്രാവശ്യവും കാണാന് വരുന്നത്. ഡീസലടിച്ചിട്ട് ഞാന് പോകും. മാനസിക വ്യഥ അനുഭവിക്കുന്ന സമയങ്ങളില് അമ്മ എവിടെയാണെങ്കിലും ഞാന് കാണാന് ചെല്ലും. തിരിച്ചുപോകുന്നത് നിറഞ്ഞ മനസോടും സന്തോഷത്തോടും കൂടിയായിരിക്കും. ഈ നില്ക്കുന്ന സലിംകുമാര് ഇങ്ങനെ ഞെളിഞ്ഞ് നിന്ന് പ്രസംഗിക്കാന് ഒരേയൊരു കാരണക്കാരിയേയുള്ളൂ. അത് അമ്മയാണ്.”-സലിംകുമാര് സുഹൃദ് സദസ്സില് ഇങ്ങിനെ പറയുമായിരുന്നു.
