തിരുവനന്തപുരം: പന്തളം-കായംകുളം റൂട്ടിലോടുന്ന ‘രാഖി’എന്ന ബസില് ‘ദുര്ഗ’ എന്ന ബസ് ഇടിച്ചുകയറ്റുന്നതിന്റെ വീഡിയോദൃശ്യം ഫേസ്ബുക്ക് പേജില് പങ്കുവച്ച് മോട്ടോര് വാഹന വകുപ്പിന്റെ മുന്നറിയിപ്പ്്.
‘ ശുദ്ധ തെമ്മാടിത്തരം വെച്ചുപൊറുപ്പിക്കില്ല, പണി വരുന്നുണ്ട് അവറാച്ച…’ എന്ന കുറിപ്പോടെയാണ് വീഡിയോ പങ്കുവച്ചിരിക്കുന്നത്. വെള്ളിയാഴ്ച പന്തളം മെഡിക്കല് മിഷന് കവലയ്ക്ക് സമീപം വച്ച് ബസ് ജീവനക്കാര് തമ്മില് മല്സരഓട്ടത്തിന്റെ ഭാഗമായി നടന്ന തെമ്മാടിത്തരമാണ് എംവിഡി ചൂണ്ടിക്കാട്ടിയത്.
മുന്നില് പോവുകയായിരുന്ന രാഖി ബസിന്റെ വശങ്ങളില് ദുര്ഗ എന്ന ബസ് ഇടിപ്പിയ്ക്കുന്നതും പിന്നീട് റിവേഴ്സ് വന്ന് വീണ്ടും ഇടിച്ചുകയറ്റുന്നതും വീഡിയോയിലുണ്ട്.
സമയം പാലിക്കാതെ സര്വീസ് നടത്തിയതിന് ദുര്ഗ ബസിലെ ജീവനക്കാര്ക്കെതിരെ നൂറനാട് പൊലീസില് പരാതി നല്കിയതിലുള്ള വൈരാഗ്യമാണ് ഈ തെമ്മാടിത്തതിനു പിന്നില്.
