തിരുവനന്തപുരം: തിരുവനന്തപുരം നിയമസഭാ മണ്ഡലത്തിലെ സിപിഐയുടെ മുതിർന്ന നേതാവും സിപിഐ വഴുതക്കാട് ബ്രാഞ്ച് സെക്രട്ടറിയുമായിരുന്ന രാഹുൽ കുമാർ എസ്.ആറിന്റെ നേതൃത്വത്തിൽ ആറ് സിപിഐ സജീവ പ്രവർത്തകർ ബിജെപിയിൽ ചേർന്നു. രാജി, സിന്ധു, ശിവാനി, ലതാകുമാരി, റജിൻ രാജ് ഉൾപ്പെടെയുള്ള പ്രവർത്തകരാണ് ബിജെപി അംഗത്വം സ്വീകരിച്ചത്.
ബിജെപി സംസ്ഥാന അധ്യക്ഷനും നേമം എം.എൽ.എയുമായരാജീവ് ചന്ദ്രശേഖർ ഇവരെ ഷാൾ അണിയിച്ച് പാർട്ടിയിലേക്ക് സ്വീകരിച്ചു.
പ്രദേശത്തെ രാഷ്ട്രീയ സാഹചര്യങ്ങളിൽ ബിജെപിയുടെ വളർച്ചയും വികസന രാഷ്ട്രീയത്തോടുള്ള ജനപിന്തുണയും വർധിച്ചുവരുന്നതിന്റെ ഭാഗമായാണ് പ്രവർത്തകർ ബിജെപിയിലേക്ക് എത്തുന്നതെന്ന് നേതാക്കൾ അഭിപ്രായപ്പെട്ടു.
കൂടാതെ, വഴുതക്കാട് വാർഡിലെ നൂറോളം പ്രവർത്തകരും ഉടൻ ബിജെപി അംഗത്വം സ്വീകരിക്കുമെന്ന് രാഹുൽ കുമാർ എസ്.ആർ അറിയിച്ചു. ചടങ്ങിൽ ബിജെപി സംസ്ഥാന, ജില്ലാ, ഭാരവാഹികളും പങ്കെടുത്തു.
