തിരുവനന്തപുരം: കെഎസ്ആര്ടിസി ഓര്ഡിനറി ബസുകളില് സ്ത്രീകള്ക്ക് സൗജന്യ യാത്ര അനുവദിച്ചതില് പ്രതിഷേധവുമായി ഓള് കേരള മെന്സ് അസോസിയേഷന്. സൗജന്യ യാത്ര ആരംഭിക്കുന്ന ജൂണ് 15ന് സെക്രട്ടറിയേറ്റിന് മുന്നില് പ്രതിഷേധിച്ച് ബസുകള് തടയും.
ബസില് കയറി ടിക്കറ്റ് എടുക്കാതെ യാത്ര ചെയ്യുമെന്നും അസോസിയേഷന് പ്രസിഡന്റ് വട്ടിയൂര്ക്കാവ് അജിത്കുമാര് ഫേസ്ബുക്ക് വീഡിയോയില് പറയുന്നു.പുരുഷനായി ജനിച്ചതിനാല് ഒരിടത്തും നീതി ലഭിക്കുന്നില്ല.
പുരുഷന്മാരും വോട്ട് ബാങ്ക് ആണ്. റേഷന് കാര്ഡ് നോക്കി സാമ്പത്തികമായി പിന്നോക്കാവസ്ഥയിലുള്ളവര്ക്ക് സൗജന്യ യാത്ര അനുവദിക്കുന്നതില് പ്രശ്നമില്ല. ലക്ഷങ്ങള് ശമ്പളം വാങ്ങന്നവര്ക്ക് പോലും സൗജന്യ യാത്ര എന്തിനാണ് എന്ന് അജിത് കുമാര് ചോദിക്കുന്നു.
