ചെന്നൈ: മൂന്ന് മാസത്തിനകം ജോസഫ് വിജയിന്റെ ടിവികെ സര്ക്കാര് നിലംപൊത്തുമെന്ന് സ്റ്റാലിന് പറഞ്ഞതിനര്ത്ഥം ടിവികെ സര്ക്കാരിനെ അട്ടിമറിക്കും എന്നല്ലെന്ന് ഡിഎംകെ നേതാവ്. എന്നാല് വിജയിന്റെ സര്ക്കാര് കടുത്ത പ്രതിസന്ധിയിലേക്ക് നീങ്ങിക്കൊണ്ടിരിക്കുകയാണെന്നാണ് സ്റ്റാലിന് ഉദ്ദേശിച്ചതെന്നും ഡിഎംകെ സീനിയര് നേതാവും മുന്മന്ത്രിയുമായ തങ്കം തെന്നരശ് പറഞ്ഞു. ആറ് മാസം സ്റ്റാലിന് ടിവികെ സര്ക്കാരിന് നല്ല സമയം അനുവദിച്ചിട്ടുണ്ടെന്നും അദ്ദേഹം പറയുന്നു.
പക്ഷെ സമൂഹത്തില് കൊലപാതകങ്ങള്, മോഷണങ്ങള്, മയക്കമരുത്ത് വില്പന, പെട്രോള് ബോംബ് സംഭവങ്ങള്, പവര് കട്ട്, കര്ഷകരുടെ പ്രതിഷേധങ്ങള്, ലൈംഗികാതിക്രമങ്ങള് എന്നിവ വര്ധിച്ചുവരികയാണെന്ന് ഡിഎംകെ സീനിയര് നേതാവ് തങ്കം തെന്നരശ് പറയുന്നു. ഇക്കാര്യങ്ങളി്ല് ഡിഎംകെയ്ക്ക് പ്രതികരിക്കാതിരിക്കാന് കഴിയില്ല. – അദ്ദേഹം പറഞ്ഞു.
ഇങ്ങിനെയുള്ള ഒരു സാഹചര്യത്തില് വിജയിന്റെ സര്ക്കാര് വലിയൊരു പ്രതിസന്ധിയിലേക്കാണ് നീങ്ങിക്കൊണ്ടിരിക്കുന്നത്. ആ പ്രതിസന്ധികള് കാരണം മൂന്ന് മാസത്തിനപ്പുറം ഈ സര്ക്കാര് നിലനില്ക്കുമോ എന്ന കാര്യം ഉറപ്പില്ലെന്നും തങ്കം തെന്നരശ് പറയുന്നു.
