ന്യൂദല്‍ഹി ക്രിക്കറ്റ് താരവും തൃണമൂല്‍ എംപിയുമായ യൂസഫ് പത്താനെ മോശമായ ഭാഷയില്‍ ചീത്ത വിളിച്ച മഹുവ മൊയ്ത്രയ്‌ക്ക് മറുപടിയുമായി യൂസഫ് പത്താന് ദല്‍ഹിയിലേക്ക്. വിമത എംപിമാരുമായി കൂട്ടുകൂടിയതിനാണ് മഹുവ മൊയ്ത്ര യൂസഫ് പത്താനെ ശക്തമായി വിമര്ശിച്ചത്. മനുഷ്യനായാല്‍ ഇത്തിരി നാണം വേണം, നട്ടെല്ലും വേണമെന്നായിരുന്നു മഹുവ മൊയ്ത്രയുടെ വിമര്‍ശനം.
“അമിത് ഷാ വിളിച്ചപ്പോള്‍ താങ്കള്‍ ദല്‍ഹിയിക്ക് പോയി. നാണമില്ലേ? അല്‍പം പോലും നട്ടെല്ലില്ലേ? ഇന്ത്യയ്‌ക്ക് വേണ്ടി കളിച്ച ആളല്ലേ താങ്കള്‍? വലിയൊരു ഭൂരിപക്ഷത്തോടെയാണ് ജില്ലയിലെ വോട്ടര്‍മാര്‍ താങ്കളെ വിജയിപ്പിച്ചത് ഒരല്പം ധൈര്യം പോലുമില്ലേ?”-ഇതായിരുന്നു യൂസഫ് പത്താനെ ചീത്തവിളിച്ച് മഹുവ മൊയ്ത്ര എക്സില്‍ പങ്കുവെച്ച പോസ്റ്റ്.
ഇന്നലെ വരെ തൃണമൂലില്‍ നിന്ന ശേഷം ഭരണം പോയ ഉടനെ മമതയെ വിട്ട് വിമതര്‍ക്കൊപ്പം ബിജെപി നേതൃത്വത്തിലുളള എന്‍ഡിഎയ്‌ക്കൊപ്പം ചേര്‍ന്നതിനെയാണ് മഹുവ വിമര്ശിച്ചത്. പക്ഷെ മഹുവയുടെ ഈ വിലകുറഞ്ഞ വിമര്‍ശനത്തില്‍ യൂസഫ് പത്താന് രോഷമുണ്ടെന്നാണ് അണിയറസംസാരം.
നേരത്തെ യൂസഫ് പത്താനോട് എംപി സ്ഥാനമൊഴിയാന്‍ മമതയുടെ നിര്‍ദേശപ്രകാരം സൗരവ് ഗാംഗുലി വഴി ആവശ്യപ്പെട്ടതായി വാര്‍ത്തയുണ്ടായിരുന്നു. എന്നാല്‍ യൂസഫ് പത്താന് സ്ഥാനമൊഴിയാന്‍ തയ്യാറായില്ല. മമതയ്‌ക്ക് ലോക് സഭയിലേക്ക് പോകാനാണ് യൂസഫ് പത്താനോട് സ്ഥാനമൊഴിയാന്‍ ആവശ്യപ്പെട്ടത്. അന്ന് സ്ഥാനമൊഴിയാത്തതിനും മഹുവ മൊയ്ത്ര യൂസഫ് പത്താനെ ചിത്ത വിളിച്ചിരുന്നു.
എന്തായാലും ഇപ്പോള്‍ യൂസഫ് പത്താനും ദല്‍ഹിയിലേക്ക് പോയി എന്നാണ് പുതിയ വാര്‍ത്തകള്‍. പാര്‍ലമന്‍റില്‍ പ്രത്യേക ബ്ലോക്കായി ഇരിക്കണമെന്നും എന്‍ഡിഎയുടെ ഭാഗമാണെന്നും പറഞ്ഞ് കഴിഞ്ഞ ദിവസം തൃണമൂലിലെ സീനിയര്‍ എംപി കകോലി ഘോഷ് ലോക് സഭാ സ്പീക്കര്‍ക്ക് കത്ത് നല്‍കിയിരുന്നു. 20 വിമത തൃണമൂല്‍ എംപിമാരുടെ പിന്തുണ തനിക്കുണ്ടെന്നാണ് കകോലി അവകാശപ്പെടുന്നത്. ആകെയുള്ള 28 തൃണമൂല്‍ എംപിമാരില്‍ മൂന്നില്‍ രണ്ടുഭാഗം വരുമിത്. അങ്ങിനെയെങ്കില്‍ അവര്‍ക്ക് പ്രത്യേക ബ്ലോക്കായി ഇരിക്കാന്‍ സാധിക്കും. ഈ വിമത എംപിമാരില്‍ യൂസഫ് പത്താനും ഉള്ളതായി വാര്‍ത്തയുണ്ട്.
മിക്കവാറും യൂസഫ് പത്താന് അമിത് ഷായെക്കാണുമെന്നും വാര്‍ത്തയുണ്ട്. യൂസഫ് പത്താന് ബിജെപിയില്‍ ചേര്‍ന്നേയ്‌ക്കുമെന്ന അഭ്യൂഹം ശക്തമാണ്.
