കൊച്ചി: കൊച്ചി തീരത്ത് മുങ്ങിയ ലൈബീരിയന്‍ പതാകയുള്ള ചരക്ക് കപ്പലായ എംഎസ്സി എല്‍എസ്എ-3യിലെ മൂന്ന് വിദേശ ജീവനക്കാര്‍ക്ക് നിബന്ധനകള്‍ക്ക് വിധേയമായി സ്വന്തം രാജ്യങ്ങളിലേക്ക് മടങ്ങാന്‍ ഹൈക്കോടതി അനുമതി നല്‍കി. 2025 മേയില്‍ കപ്പല്‍ മുങ്ങിയത് ഒട്ടേറെ പാരിസ്ഥിതിക ആശങ്കകള്‍ക്ക് കാരണമായിരുന്നു. ഡീസല്‍, ബങ്കര്‍ ഓയില്‍, കാല്‍സ്യം കാര്‍ബൈഡ്, പ്ലാസ്റ്റിക് പെല്ലറ്റുകള്‍ തുടങ്ങിയവയാണ് കപ്പലില്‍ ബണ്ടായിരുന്നത്. കോസ്്റ്റ് ഗാര്‍ഡും പൊലീസും ഇതേത്തുടര്‍ന്ന് വിവിധ കേസുകളെടുത്തിരുന്നു.
അന്വേഷണവുമായി ബന്ധപ്പെട്ട് ഒരു വര്‍ഷത്തിലേറെയായി നിയമവിരുദ്ധമായി തടങ്കലില്‍ വച്ചിരിക്കുകയാണെന്ന് ഹര്‍ജിക്കാര്‍ ആരോപിച്ചു. പാസ്പോര്‍ട്ടുകള്‍ തിരികെ നല്‍കണമെന്നും സ്വന്തം രാജ്യങ്ങളിലേക്ക് മടങ്ങാന്‍ അനുമതി നല്‍കണമെന്നും ആവശ്യപ്പെട്ട് ഏഴ് ജീവനക്കാര്‍ സമര്‍പ്പിച്ച ഹര്‍ജിയിലാണ് കോടതി ഉത്തരവ്. ഇതില്‍ ഒരു ഇലക്ട്രോ-ടെക്‌നിക്കല്‍ ഓഫീസര്‍, ഒരു നാവികന്‍, ഒരു മോട്ടോര്‍മാന്‍ എന്നിവര്‍ക്കാണ് ഇന്ത്യ വിടാന്‍ കോടതി അനുമതി നല്‍കിയത്.
