കൊച്ചി: കേരള തീരത്തിനടുത്ത് മുങ്ങിയ കപ്പല് എംഎസ്സി എല്സ -3 യിലെ നാല് വിദേശ ജീവനക്കാര്ക്ക് ഇന്ത്യ വിടാനുള്ള അനുമതിക്കായി വിചാരണ കോടതിയെ സമീപിക്കാന് ഹൈക്കോടതി നിര്ദ്ദേശിച്ചു.
കപ്പലിലെ ഏഴ് വിദേശ ക്രൂ അംഗങ്ങള് തങ്ങളുടെ പാസ്പോര്ട്ടുകള് തിരികെ നല്കണമെന്നും സ്വന്തം രാജ്യങ്ങളിലേക്ക് മടങ്ങാന് അനുമതി നല്കണമെന്നും ആവശ്യപ്പെട്ട് സമര്പ്പിച്ച ഹര്ജി പരിഗണിക്കുകയായിരുന്നു കോടതി.
ഡീസല്, ബങ്കര് ഓയില്, കാല്സ്യം കാര്ബൈഡ് തുടങ്ങിയവയുമായി പോയ ലൈബീരിയ പതാകയുള്ള ചരക്ക് കപ്പല് 2025 മെയ് മാസത്തിലാണ് കൊച്ചി തീരത്ത് മുങ്ങിയത്. പാരിസ്ഥിതിക ആശങ്കകള്ക്ക് കാരണമായ ഈ സംഭവത്തെത്തുടര്ന്ന് ഒന്നിലധികം കേസുകള് ചുമത്തിയിരുന്നു. അതിനാല്
ചില ജീവനക്കാര്ക്ക് മാത്രമാണ് ഇന്ത്യ വിടാന് അനുവാദം ലഭിച്ചത്.
