തിരുവനന്തപുരം: ലോക് ഭവനില് സന്ദര്ശനത്തിനെത്തിയ കഴക്കൂട്ടം എം.എല്.എ. വി. മുരളീധരന് വിദ്യാര്ത്ഥികള്ക്ക് വിതരണം ചെയ്യുന്നതിനുള്ള പഠനോപകരണങ്ങളായ നോട്ടുപുസ്തകങ്ങള്, പേനകള്, പെന്സിലുകള്, കുടകള് എന്നിവ സമ്മാനിച്ച് ഗവര്ണര് രാജേന്ദ്ര് വിശ്വനാഥ് ആര്ലേക്കര്
പൊതുപരിപാടികളിലും ഔപചാരിക സന്ദര്ശനങ്ങളിലും ഷാളുകള്, പൂച്ചെണ്ടുകള്, മെമന്റോകള് എന്നിവ സമ്മാനിക്കുന്നതിന് പകരം വിദ്യാര്ത്ഥികള്ക്ക് ഉപകാരപ്പെടുന്ന പഠനോപകരണങ്ങള് നല്കണമെന്ന ആശയം കഴക്കൂട്ടം എം.എല്.എ. വി. മുരളീധരന് നേരത്തെ മുന്നോട്ടുവച്ചിരുന്നു. തനിക്ക് നല്കുന്ന ആദരോപഹാരങ്ങള് പഠനോപകരണങ്ങളുടെ രൂപത്തിലാകണമെന്ന അദ്ദേഹത്തിന്റെ അഭ്യര്ഥനയ്ക്ക് സമൂഹത്തിന്റെ വിവിധ മേഖലകളില്നിന്ന് മികച്ച സ്വീകാര്യത ലഭിച്ചിരുന്നു.
ഈ ആശയത്തോടുള്ള പിന്തുണയുടെ ഭാഗമായാണ് ഗവര്ണര് പഠനോപകരണങ്ങള് സമ്മാനിച്ചത്. ശേഖരിക്കുന്ന പഠനോപകരണങ്ങള് കഴക്കൂട്ടം മണ്ഡലത്തിലെ സാമ്പത്തികമായി പിന്നാക്കം നില്ക്കുന്ന വിദ്യാര്ത്ഥികള്ക്ക് വിതരണം ചെയ്യുമെന്ന് വി. മുരളീധരന് അറിയിച്ചു.
കുട്ടികളുടെ വിദ്യാഭ്യാസത്തിന് പ്രോത്സാഹനവും പിന്തുണയും നല്കുന്ന ഇത്തരം പ്രവര്ത്തനങ്ങള് സമൂഹത്തിന് നല്ല സന്ദേശമാണ് നല്കുന്നതെന്ന് ഗവര്ണര് അഭിപ്രായപ്പെട്ടു.
