മൂവാറ്റുപുഴ : വീട്ടമ്മയെ ഉപദ്രവിച്ചയാൾ അറസ്റ്റിൽ. ആരക്കുഴ പെരുമ്പല്ലൂർ പുത്തൻപുരയിൽ വീട്ടിൽ ബ്ലാക്ക്മാൻ എന്ന് വിളിക്കുന്ന വിഷ്ണു (34)വിനെയാണ് മൂവാറ്റുപുഴ പോലീസ് ഇൻസ്പെക്ടർ അനിൽ ജോർജ്ജിന്റെ നേതൃത്വത്തിലുള്ള അന്വേഷണ സംഘം അറസ്റ്റ് പെയ്തത്.
4 ന് രാത്രി 10 മണിയോടെയാണ് സംഭവം. പെരുമ്പല്ലൂർ ഭാഗത്ത് താമസിക്കുന്ന വീട്ടമ്മയെയാണ് ദേഹോപദ്രവം ഏൽപ്പിച്ചത്. വധശ്രമം ഉൾപ്പെടെ നിരവധി കേസുകളിൽ പ്രതിയായ വിഷ്ണു പരാതിക്കാരിയുടെ മകനെ ചീത്തവിളിച്ചത് ചോദിച്ചതിലുള്ള വിരോധമാണ് കാരണം.
അന്വേഷണ സംഘത്തിൽ എസ് ഐ മാരായ എൻ എസ് റോയ്, എസ് ശ്രീനാഥ് എ എസ് ഐ മാരായ കെ.എ അനസ്, ദീപാ മോൾ, സീനിയർ സിവിൽ പോലീസ് ഓഫീസർമാരായ സന്ദീപ് പ്രഭാകർ , കെ.എം മുഹിയുദീൻ എന്നിവരു മുണ്ടായിരുന്നു.
