കാസര്കോട് : കക്കൂസിനായി കുഴിച്ച കുഴിയില് വീണ് ആറു വയസുകാരന് മരിച്ചു. മധൂരിലാണ് അപകടം.കുഴിയില് വെളളം മിറഞ്ഞ് കിടക്കുകയായിരുന്നു
അഹമ്മദ് സാജിദിന്റെ മകന് മൊഹമ്മദ് അയാന് ഷാസിം ആണ് മരിച്ചത്. വീടിന് സമീപം പുതിയ കക്കൂസ് നര്മ്മിക്കാനെടുത്ത കുഴിയിലാണ് കുട്ടി വീണത്.
കുട്ടിയെ ശനിയാഴ്ച വൈകിട്ട് ആറ് മണിയോടെ കാണാതായി. എന്നാല് അയല്പക്കത്തെ ബന്ധുവീട്ടില് പോയെന്നാണ് വീട്ടുകാര് കരുതിയത്.
ഏഴ് മണിയായിട്ടും കുട്ടി വരാതായതോടെ അയല് വീട്ടില് അന്വേഷിച്ചപ്പോള് അവിടെ എത്തിയില്ലെന്ന് പറഞ്ഞു. തുടര്ന്ന് അന്വേഷണത്തിലാണ് കുഴിയില് വീണുകിടക്കുന്ന നിലയില് കുട്ടിയെ കണ്ടെത്തിയത്.ഈ സമയം ജീവനുണ്ടായിരുന്നെങ്കിലും ആശുപത്രില് എത്തിച്ചപ്പോഴേക്കും മരിച്ചു.
