ചെന്നൈ: തമിഴ് സൂപ്പർതാരം ജോസഫ് വിജയുടെ മകന് ജേസണ് സഞ്ജയ് അച്ഛന് വഴങ്ങിക്കൊടുക്കാന് ഒരുക്കമില്ല. പെരുന്തച്ചനെ വെല്ലുവിളിച്ച മകന്റെ ജനുസ്സില് പെട്ടയാളാണ് ജേസണ് സഞ്ജയ് എന്നാണ് അടുത്തറിയുന്നവര് പറയുന്നത്. അതുകൊണ്ടല്ലേ അച്ഛന് ഒരു സംസ്ഥാനത്തിന്റെ മുഖ്യമന്ത്രിയായി സത്യപ്രതിജ്ഞ ചെയ്തപ്പോള് പോലും ജേസണ് സഞ്ജയ് അതില് നിന്നെല്ലാം വിട്ടുനിന്നത്. സ്വന്തം പേരില് നിന്നും വിജയ് എന്ന പേര് തന്നെ എടുത്തുകളഞ്ഞ് ജേസണ് സഞ്ജയ് എന്ന മാത്രമാക്കി നിലനിര്ത്തിയത് അച്ഛനോടുള്ള അമര്ഷം കാരണമാണ്. അമ്മ സംഗീതയോട് ചേര്ന്ന് നില്ക്കാനാണ് ജേസണ് സഞ്ജയ് ഇഷ്ടപ്പെടുന്നത്.
ഇപ്പോഴിതാ മകന് സ്വന്തമായി സിനിമ സംവിധാനം ചെയ്തിരിക്കുന്നു. മകൻ ജേസണ് സഞ്ജയ് ആദ്യമായി സംവിധാനം ചെയ്ത ‘സിഗ്മ’ എന്ന ചിത്രത്തിന്റെ ആദ്യ ഗാനം പുറത്തിറങ്ങി.യുവതാരം സുന്ദീപ് കിഷൻ നായകനാകുന്ന ഈ ബിഗ് ബജറ്റ് ചിത്രത്തിന്റെ ചിത്രീകരണം നേരത്തെ തന്നെ പൂർത്തിയായിരുന്നു. തമിഴിലെ പ്രമുഖ നിർമ്മാണ കമ്പനിയായ ലൈക്ക പ്രൊഡക്ഷൻസ് ആണ് ജേസണിന്റെ കന്നി ചിത്രം നിർമ്മിക്കുന്നത്.
ഹിറ്റ് മേക്കർ തമൻ എസ് ആണ് ചിത്രത്തിനായി സംഗീതമൊരുക്കുന്നത്.ചുമ്മ അച്ഛന്റെ തഴമ്പില് സിനിമയിലേക്ക് ചുവടുവെച്ചവനല്ല ജേസണ് സഞ്ജയ്. വിദേശ സർവകലാശാലകളില് നിന്ന് സിനിമയുടെ വിവിധ മേഖലകളില് പ്രായോഗിക പഠനം പൂർത്തിയാക്കിയ ശേഷമാണ് ജേസണ് സഞ്ജയ് സിഗ്മ എന്ന ചിത്രവുമായി വരുന്നത്.
2020-ല് ടൊറന്റോ ഫിലിം സ്കൂളില് നിന്ന് ഫിലിം പ്രൊഡക്ഷൻ ഡിപ്ലോമ നേടിയ ജേസണ്, പിന്നീട് ലണ്ടനില് നിന്ന് തിരക്കഥാരചനയില് ബിഎ ബിരുദവും കരസ്ഥമാക്കിയിരുന്നു. അതുകൊണ്ടുതന്നെ വലിയ സാങ്കേതിക തികവോടെയാണ് ചിത്രം ഒരുങ്ങുന്നത്. പ്രവീണ് കെ.എല് എഡിറ്റിങ്ങും, കൃഷ്ണൻ വസന്ത് ഛായാഗ്രഹണവും നിർവ്വഹിക്കുന്ന ചിത്രത്തിന്റെ വിഎഫ്എക്സ് കൈകാര്യം ചെയ്യുന്നത് ഹരിഹരസുതനാണ്.
മുൻപ് പല പ്രമുഖ സംവിധായകരും ജേസണെ നായകനാക്കി സിനിമകള് ആലോചിച്ചിരുന്നെങ്കിലും അഭിനയത്തേക്കാള് സംവിധാനത്തോടായിരുന്നു ജേസണ് താല്പര്യം.
2.4 മില്ല്യണ് വ്യൂസാണ് ഈ ഗാനത്തിന്റെ വീഡിയോ നേടിയിരിക്കുന്നത്. പാട്ടില് ഉടനീളം കാമിയോ റോളില് ജേസണ് സഞ്ജയ് പ്രത്യക്ഷപ്പെടുന്നുണ്ട്.
