ലക്നൗ ; ഉത്തർപ്രദേശ് മുഖ്യമന്ത്രി യോഗി ആദിത്യനാഥിന്റെ ജന്മനാൾ ആഘോഷിച്ച് മുസ്ലീം വിശ്വാസികൾ. യോഗിയുടെ നിലപാടുകൾ മുസ്ലീം സമൂഹത്തിന് എതിരാണെന്നും അദ്ദേഹത്തിന്റെ സർക്കാർ മുസ്ലീം സമൂഹത്തെ ലക്ഷ്യം വച്ചാണ് നടപടിയെടുക്കുന്നതെന്നും പ്രചരിപ്പിക്കുന്നവർക്ക് മുന്നിലാണ് ഒരു വിഭാഗം കേക്ക് മുറിച്ചും, മധുരപലഹാരങ്ങൾ പങ്കിട്ടും യോഗിയുടെ പിറന്നാൾ ആഘോഷിച്ചത്.
യോഗി ആദിത്യനാഥിനോടുള്ള മുസ്ലീം സമൂഹത്തിന്റെ അതുല്യമായ സ്നേഹം പ്രകടമാക്കുന്ന ദൃശ്യങ്ങളാണ് പുറത്ത് വന്നിരിക്കുന്നത് . ആഗ്ര മുതൽ ലക്നൗ വരെയുള്ള മുസ്ലീം സമൂഹത്തിലെ അംഗങ്ങൾ യോഗി ആദിത്യനാഥിന്റെ ജന്മദിനം ആഘോഷിക്കുകയും കേക്കുകൾ മുറിക്കുകയും ചെയ്തു.
ആഗ്രയിൽ, മുസ്ലീം യുവാക്കൾ കേക്ക് മുറിച്ച് വൻ ആഘോഷമാണ് സംഘടിപ്പിച്ചത്. നാട്ടുകാരും ഇതിൽ പങ്കാളികളായി. അമ്രോഹയിൽ, മുസ്ലീം സമുദായത്തിലെ അംഗങ്ങൾ മുഖ്യമന്ത്രി യോഗിയുടെ ദീർഘായുസ്സിനും ആരോഗ്യത്തിനും വേണ്ടി പ്രാർത്ഥിക്കുകയും ചെയ്തു.ക്രമസമാധാനം ശക്തിപ്പെടുത്തുന്നതിന് അദ്ദേഹം സുപ്രധാന നടപടികൾ സ്വീകരിച്ചിട്ടുണ്ടെന്ന് പറഞ്ഞ് അവർ അദ്ദേഹത്തെ പ്രശംസിക്കുകയും ചെയ്തു.
