തൃശൂര്: സ്കൂള്, കോളേജ് വിദ്യാര്ഥികള്ക്ക് വില്ക്കാന് സൂക്ഷിച്ച കഞ്ചാവുമായി സ്കൂള് ബസ് ഡ്രൈവറെ തൃശൂര് റൂറല് പൊലീസ് പിടികൂടി.കോണത്തുകുന്ന് പുഞ്ചപറമ്പ് സ്വദേശി പറമ്പിക്കാട്ടില് വീട്ടില് സുധീഷ് (34) ആണ് അറസ്റ്റിലായത്. മുകുന്ദപുരം പബ്ലിക് സ്കൂളിലെ ബസ് ഡ്രൈവറാണ്.
കോണത്തുകുന്ന് പുഞ്ചപറമ്പില് രഹസ്യ പരിശോധനയിലാണ് പ്രതി പിടിയിലായത്. തൃശൂര് റൂറല് ജില്ലാ പൊലീസ് മേധാവി ബി. കൃഷ്ണകുമാറിന്റെ നേതൃത്വത്തിലുള്ള റൂറല് ഡാന്സാഫ് സംഘവും ഇരിങ്ങാലക്കുട പൊലീസും സംയുക്തമായാണ് റെയ്ഡ് നടത്തിയത്.
പ്രതിക്കെതിരെ സാധാരണ ലഹരിവിരുദ്ധ നിയമങ്ങള്ക്ക് പുറമെ ബാലനീതി നിയമത്തിലെ ജാമ്യമില്ലാ വകുപ്പ് ‘സെക്ഷന് 77’ ചുമത്തുമെന്ന് പൊലീസ് അറിയിച്ചു.
