തൃശൂര്: കുന്നംകുളം പോര്ക്കളെങ്ങാട് അയ്യപ്പക്ഷേത്രത്തിന്റെ മേല്ക്കൂര വൃത്തിയാക്കാന് കയറിയ യുവാവ് വൈദ്യുതാഘാതമേറ്റ് മരിച്ചു. പോര്ക്കളെങ്ങാട് ആലിക്കല് വീട്ടില് നിഷാദ് (35) ആണ് മരിച്ചത്. ഇരുമ്പ് ഷീറ്റ് വൃത്തിയാക്കുന്നതിനിടെയാണ് നിഷാദിന് വൈദ്യുതാഘാതം ഏറ്റത്. ക്ഷേത്രത്തിനു തൊട്ടടുത്തുള്ള ഒരു വീട്ടിലേക്കുള്ള വൈദ്യുതി കണക്ഷനായുള്ള സര്വീസ് വയര് ഷീറ്റില് തട്ടി നിന്നിരുന്നതായി പറയുന്നു. ഇതില് നിന്നാണ് ഷോക്കേറ്റത്. നാട്ടുകാര് നിഷാദിനെ ആശുപത്രിയില് എത്തിച്ചെങ്കിലും അതിനകം മരിച്ചു.
മൃതദേഹം കുന്നംകുളം മലങ്കര ആശുപത്രി മോര്ച്ചറിയില്. പോസ്റ്റുമോര്ട്ടത്തിനുശേഷം ബന്ധുക്കള്ക്ക് വിട്ടുകൊടുക്കും. കെഎസ്ഇബിയുടെ അനാസ്ഥയാണ് അപകടത്തിന് കാരണമെന്ന് നാട്ടുകാര് കുറ്റപ്പെടുത്തി.
