ന്യൂദല്ഹി: കേന്ദ്ര പുനഃസംഘടനാ നടക്കാനിരിക്കെ സഭയില് നിന്നും രാജിവെക്കുന്നുവെന്ന വ്യാജ വാര്ത്തകള്ക്കെതിരെ പരിഹാസ മറുപടിയുമായി സുരേഷ്ഗോപി. ഇന്ന് രാവിലെ മുതല് ഓണ്ലൈന് മാധ്യമങ്ങളില് വാര്ത്ത പ്രചരിച്ചിരുന്നു.
‘സുരേഷ് ഗോപി രാജിസന്നദ്ധത അറിയിച്ചു, നിങ്ങൾ അറിഞ്ഞിരുന്നോ? ഞാൻ മാത്രം അറിഞ്ഞില്ല കേട്ടോ. സത്യം അറിയാൻ ഒരൊറ്റ ക്ലിക്ക് മതി. അതുകൊണ്ട് ഇത്തരം സിനിമാ കഥകൾ വിശ്വസിച്ച് ആരും സമയം കളയരുത്. വ്യാജവാർത്തകൾ ചമയ്ക്കുന്നവരോട്.. ലത് ശരിയല്ല. ഇനിയെങ്കിലും മാറ്റണം ‘, എന്നാണ് പരിഹാസം നിറഞ്ഞ വാക്കുകളിലൂടെ അദ്ദേഹം കുറിച്ചിരിക്കുന്നത്.
നിരവധി സിനിമകൾ പൂർത്തിയാക്കാനുണ്ട് എന്ന ആവശ്യം മുൻനിർത്തിയാണ് തീരുമാനമെന്നും , തനിക്ക് സിനിമാ അഭിനയം തുടരണമെന്നാണ് ആഗ്രഹം. ഇപ്പോള് വരുമാനം നല്ല നിലയില് നിലച്ചു. തന്നെയൊന്ന് കേന്ദ്ര മന്ത്രി സ്ഥാനത്ത് നിന്ന് ഒഴിവാക്കിതരണമെന്നുമാണ് കാരണങ്ങളായി വാർത്തകളിൽ വ്യക്തമാക്കിയിരുന്നത്.
