അക്കൗണ്ടിൽ പണമില്ലെങ്കിലും ഇനി ബില്ലടയ്‌ക്കാം . യുപി ഐ പേയ്‌മെന്റുകളിലാണ് ഈ വിപ്ലവകരമായ മാറ്റവുമായി ഭാരത് ഫ്ലക്സ് എത്തിയിരിക്കുന്നത് . യെസ് ബാങ്കുമായി ചേർന്ന് ഭാരത് ആപ്പിലാണ് ഈ പുതിയ പേയ്മെന്റ് സംവിധാനം . പണമില്ലെങ്കിലും യുപിഐ പേയ്മെന്റ് നടത്താൻ സഹായിക്കുന്ന സംവിധാനമാണിത് . കടമായി ലഭിക്കുന്ന തുക 45 ദിവസത്തിനുള്ളിൽ തിരിച്ചടച്ചാൽ മതിയാകും . ഈ ദിവസത്തിനുള്ളിൽ തിരിച്ചടച്ചാൽ പലിശയുമുണ്ടാകില്ല.
ക്രെഡിറ്റ് കാർഡുകൾക്ക് സമാനമായിരിക്കും ഭാരത് ഫ്ലക്സിന്റെയും പ്രവർത്തനം . പുതിയ സംവിധാനം ഉപയോഗിച്ച് ക്യൂ ആർ കോഡ് പേയ്മെന്റ് , ബിൽ പെയ്‌മെന്റ് , ട്രാവൽ , ഷോപ്പിംഗ് എന്നിവയെല്ലാം തടത്താം . ഇത്തരത്തിൽ ഭാരത് ഫ്ലക്സ് സംവിധാനം ഉപയോഗിച്ച് പേയ്മെന്റ് നടത്തുന്നവർക്ക് റിവാർഡുകളും ഉണ്ട്.
കടമായി ലഭിക്കുന്ന തുക തവണവ്യവസ്ഥയില്‍ തിരികെ നല്‍കാനും സൗകര്യമുണ്ട്. മൂന്ന് മുതല്‍ 12 വരെ തവണകളായി തുക തിരികെ നല്‍കാം.
ഇതിനായി ആദ്യം ഭാരത് പേ ആപ് തുറക്കുക , ഭാരത് ഫ്ലെക്സിൽ ടാപ്പ് ചെയ്യുക, ഡിജിറ്റൽ കെ വൈ സി പ്രക്രിയ പൂർത്തിയാക്കുക, അനുവദിക്കപ്പെട്ട ക്രെഡിറ്റ് തുക യുപിഐയുമായി ബന്ധിപ്പിക്കുക , യുപിഐ പിന്‍ സെറ്റ് ചെയ്യുക , പേയ്മെന്റ് തുടങ്ങുക.
