തിരുവനന്തപുരം:സംസ്ഥാനത്ത് കാലവര്‍ഷം ശക്തമാകും. ഇന്ന് തിരുവനന്തപുരം മുതല്‍ തൃശൂര്‍ വരെ ഓറഞ്ച് ജാഗ്രത. ബാക്കി ജില്ലകളില്‍ മഞ്ഞ ജാഗ്രത. വെളളിയാഴ്ച കാസര്‍ഗോഡ് മുതല്‍ എറണാകുളം വരെ ഓറഞ്ച് ജാഗ്രത. ശനിയാഴ്ച 11ജില്ലകളില്‍ ഓറഞ്ച് ജാഗ്രത. കേരളം, മാഹി, ലക്ഷദ്വീപ് എന്നിവിടങ്ങളില്‍ മുഴുവനായും അറബിക്കടലിന്റെയും ബംഗാള്‍ ഉള്‍ക്കടലിന്റെയും ഭൂരിഭാഗം മേഖലകളിലും കാലവര്‍ഷം വ്യാപിച്ചു.
സാധാരണ ജൂണ്‍ 1-നാണ് കേരളത്തില്‍ കാലവര്‍ഷം എത്താറുള്ളത്. എന്നാല്‍ ഇത്തവണ മൂന്ന് ദിവസം വൈകി ജൂണ്‍ 4 നാണ് കാലവര്‍ഷം ആരംഭിച്ചത്. മറ്റന്നാള്‍ തിരുവനന്തപുരവും കൊല്ലവും ആലപ്പുഴയും ഒഴികെ 11 ജില്ലകളിലും ഓറഞ്ച് ജാഗ്രതയാണ്.
ഒറ്റപ്പെട്ടയിടങ്ങളില്‍ ഇടിമിന്നലോടു കൂടിയ മഴയ്‌ക്കും മണിക്കൂറില്‍ 40 മുതല്‍ 50 കിലോമീറ്റര്‍ വരെ വേഗതയില്‍ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.ജൂണ്‍ ഏഴ് വരെ കേരള- കര്‍ണാടക- ലക്ഷദ്വീപ് തീരങ്ങളില്‍ മത്സ്യബന്ധനത്തിന് വിലക്ക്.
