ആലപ്പുഴ :പമ്പയാറ്റില് ചൂണ്ടയിടാനെത്തിയവര്ക്ക് കിട്ടിയത് ചാക്ക് കെട്ടില് തലയോട്ടിയും തുണിക്കഷണങ്ങളും.കല്ലിശേരിയിലുള്ള റെയില്വേ പാലത്തിന് താഴെ നിന്നാണ് തലയോട്ടിയും തുണിക്കഷണങ്ങളും ചാക്കില് കെട്ടിയ നിലയില് കണ്ടെത്തിയത്. ചൊവ്വാഴ്ച ഉച്ചയ്ക്ക് ശേഷമാണ് സംഭവം.
ചൂണ്ടയില് തടഞ്ഞ ചാക്കുകെട്ട് കരയ്ക്കെത്തിച്ച് തുറന്ന് നോക്കിയപ്പോഴാണ് ചാക്കിനുള്ളില് തലയോട്ടിയും തുണിക്കഷണങ്ങളും കണ്ടത്. ഇതേ തുടര്ന്ന് വിവരം പൊലീസില് അറിയിക്കുകയായിരുന്നു.
വിവരം അറിഞ്ഞ് ചെങ്ങന്നൂര് പൊലീസും ഫോറന്സിക് വിദഗ്ധരും സ്ഥലത്തെത്തി പരിശോധന നടത്തി. സംഭവത്തില് വിശദമായ അന്വേഷണം ആരംഭിച്ചതായി പൊലീസ് അറിയിച്ചു.
