തിരുവനന്തപുരം: സംസ്ഥാനത്ത് കര്ഷകരില് നിന്നും സംഭരിച്ച നെല്ലിന്റെ പണം 10 ദിവസത്തിനുള്ളില് നല്കുമെന്ന് സര്ക്കാര് ഉറപ്പ് നല്കി.കര്ഷകര് ചൊവ്വാഴ്ച മന്ത്രിമാരുമായി നടത്തിയ ചര്ച്ചയിലാണ് ഈ ഉറപ്പ് നല്കിയത്. കൃഷി,ജലസേചനം ,വനം, ഭക്ഷ്യ സിവില് സപ്ലൈസ് വകുപ്പ് മന്ത്രിമാരുമായാണ് കര്ഷകര് ചര്ച്ച നടത്തിയത്
സഹകരണ ബാങ്ക് വഴി പണം നല്കുന്ന രീതി ഇനിമുതല് ഉണ്ടാകില്ല.കാനറ ബാങ്ക് , സ്റ്റേറ്റ് ബാങ്ക് വഴി പണം നല്കുമെന്ന് സര്ക്കാര് കര്ഷകര്ക്ക് ഉറപ്പ് നല്കി.
സംസ്ഥാനത്ത് വിവിധ ഭാഗങ്ങളില് സംഭരണം പൂര്ത്തിയാകാതെ നെല്ല് കെട്ടിക്കിടക്കുന്നെന്ന് കര്ഷകര് പരാതിപ്പെട്ടിരുന്നു. വേനല്മഴ ശക്തമായതോടെ ഒന്നാംവിള കൃഷിക്കായി പാടങ്ങള് തയാറാക്കേണ്ട സമയത്ത് പോലും കൈയില് പണമില്ലാതെ കര്ഷകര് കടുത്ത പ്രതിസന്ധിയിലാണ്.
രണ്ടാം വിളവെടുപ്പിന് ശേഷം സംഭരിച്ച നെല്ലിന്റെ പണം നാല് മാസം കഴിഞ്ഞിട്ടും ലഭിച്ചിരുന്നില്ല. അടുത്ത കൃഷിക്കായി നിലമൊരുക്കാനും വളം വാങ്ങാനും ട്രാക്ടര് വാടക നല്കാനും കഴിയാതെ പലിശക്കാര്ക്ക് മുന്നില് വീണ്ടും കൈനീട്ടേണ്ട സ്ഥിതിയിലാണ് കര്ഷകര്.
നെല്ല് സംഭരണം വേഗത്തിലാക്കുമെന്നും മഴ ശക്തമാകുന്നതിന് മുമ്പ് സംഭരണ നടപടികള് പൂര്ത്തിയാക്കുമെന്നും കൃഷി മന്ത്രി ടി സിദ്ദിഖ് പറഞ്ഞു.
