വാഷിംഗ്ടണ്‍: നെതന്യാഹുവിനെ ‘ഭ്രാന്തനെന്ന് ‘ വിളിച്ച് യുഎസ് പ്രസിഡന്റ് ഡൊണാള്‍ഡ് ട്രംപ്. ലെബനനില്‍ ഇസ്രായേല്‍ നടത്തുന്ന ആക്രമണങ്ങളെക്കുറിച്ചുള്ള ഫോണ്‍ സംഭാഷണത്തിനിടെയാണ് ട്രംപ് ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹുവിനെതിരെ രോഷം പ്രകടിപ്പിച്ചതും തന്‌റെ പതിവുഭാഷയില്‍ അസഭ്യം പറഞ്ഞതും. നെതന്യാഹു നന്ദികേട് കാട്ടുകയാണെന്ന് ട്രംപ് പറഞ്ഞു.
ലെബനന്‍ തലസ്ഥാനത്ത് ബോംബ് വയ്‌ക്കുമെന്ന ഇസ്രായേലിന്റെ ഭീഷണി ലോകമെമ്പാടും ഇസ്രായേലിനെ കൂടുതല്‍ ഒറ്റപ്പെടുത്തുമെന്ന് ട്രംപ് പറഞ്ഞതായി റിപ്പോര്‍ട്ടുണ്ട്.
അഴിമതി വിചാരണയ്‌ക്കിടെ നെതന്യാഹുവിനെ ജയിലില്‍ നിന്ന് പുറത്തിറക്കാന്‍ താന്‍ സഹായിച്ചുവെന്നും ട്രംപ് അവകാശപ്പെട്ടു.
‘നീ ഒരു ഭ്രാന്തനാണ്. ഞാന്‍ ഇല്ലായിരുന്നെങ്കില്‍ നീ ജയിലിലായേനെ. ഇപ്പോള്‍ എല്ലാവരും നിന്നെ വെറുക്കുന്നു. ‘ ട്രംപ് നെതന്യാഹുവിനോട് പറഞ്ഞതായി ഏജന്‍സി റിപ്പോര്‍ട്ടില്‍ പറയുന്നു.
