തിരുവനന്തപുരം : അധികാരമേറ്റ് ഒരു മാസം തികയും മുൻപേ യുഡിഎഫ് സർക്കാരിൽ ബന്ധുനിയമനം. വൈദ്യുതി മന്ത്രി സണ്ണി ജോസഫിന്റെ പേഴ്സണൽ സ്റ്റാഫിലാണ് ബന്ധു നിയമനം . സഹോദരിയുടെ ഭർത്താവ് ബെന്നി തോമസിനെയാണ് അഡീഷണൽ പ്രൈവറ്റ് സെക്രട്ടറിയായി നിയമിച്ചത്.
ഇന്നലെ വൈകിട്ടാണ് സണ്ണി ജോസഫിന്റെ പേഴ്സണൽ സ്റ്റാഫുകളുടെ വിവരങ്ങൾ പുറത്ത് വന്നത് . ഡി സി സി നേതാവ് കൂടിയാണ് ബെന്നി. നേരത്തെ എൽ ഡി എഫ് സർക്കാരിന്റെ ഇത്തരം നിയമനങ്ങൾക്കെതിരെ രംഗത്ത് വന്നത് സണ്ണി ജോസഫ് അടക്കമാണ്. മന്ത്രിയുടെ പേഴ്സണൽ സ്റ്റാഫ് അംഗങ്ങൾക്കും സർക്കാരിന്റെ എല്ലാ ആനുകൂല്യങ്ങളും ലഭിക്കും എന്നതിനാലാണ് ബന്ധുനിയമനത്തിന് മന്ത്രിമാർ തയ്യാറാകുന്നത്.
