കണ്ണൂർ: പിലാത്തറയിൽ ആളൊഴിഞ്ഞ സ്ഥലത്ത് ദുരൂഹ സാഹചര്യത്തിൽ കാർ തകർത്ത നിലയിൽ കണ്ടെത്തി. കാറിനുളളില് രക്ത കറയും കണ്ടെത്തിയിട്ടുണ്ട്. വാഹനത്തില് ഉണ്ടായിരുന്ന വസ്ത്രങ്ങള് പുറത്തേക്ക് വലിച്ചുവാരിയിട്ട നിലയിലാണുളളത്.
കണ്ണൂർ പരിയാരം പിലാത്തറ കോ ഓപ്പറേറ്റീവ് കോളേജിന് സമീപത്താണ് സംഭവം. കാറിന് സമീപത്തായി സ്ത്രീകളുടെയും കുട്ടികളുടെയും ഉൾപ്പെടെ വസ്ത്രങ്ങളും ബാഗുകളും ചെരുപ്പുകളുമെല്ലാം ചിന്നിച്ചിതറി കിടക്കുന്നുണ്ട്. പ്രഭാത സവാരിക്ക് എത്തിയവരാണ് കാര് കണ്ടെത്തിയത്. സംഭവത്തില് പരിയാരം പോലീസ് അന്വേഷണം ആരംഭിച്ചിട്ടുണ്ട്. മോഷണം ആണെന്നാണ് പോലീസിന്റെ സംശയം. കാറിന്റെ ഉടമ സ്വർണ്ണ വില്പനക്കാരൻ അശോക് യശ്വന്ത എന്നും പോലീസ് അറിയിച്ചു.
തലശേരി രജിസ്ട്രേഷനിലുള്ള ഗ്രാൻഡ് വിറ്റാര കാറാണ് ഉപേക്ഷിക്കപ്പെട്ട നിലയിൽ കിടക്കുന്നത്. കാറിന്റെ മുൻഭാഗം ഇടിച്ച് തകർന്ന നിലയിലാണ്. കാറിൽ ഉണ്ടായിരുന്നവർ ആരൊക്കെയെന്ന് പോലീസ് അന്വേഷിച്ചുവരികയാണ്.
