പത്തനംതിട്ട: മദ്യപിച്ച് അമിത വേഗത്തില് ഇരുചക്ര വാഹനം ഓടിച്ചുണ്ടായ അപകടത്തില് പിറകില് ഇരുന്ന ബന്ധു റോഡില് തലയടിച്ചു വീണ് മരിച്ചതിനെ തുടര്ന്ന് വാഹനം ഓടിച്ചയാളെ മലയാലപ്പുഴ പൊലീസ് അറസ്റ്റ് ചെയ്തു. വടശേരിക്കര ഇടത്തറമുക്ക് നെയ്തടം ചരിവുകാല പുതുപ്പറമ്പില് വീട്ടില് അജേഷ് കുമാര് (45) ആണ് പിടിയിലായത്.
ഞായറാഴ്ച വൈകുന്നേരം 5.30 ഓടെയായിരുന്നു അപകടം. അറസ്റ്റിലായ അജേഷ് മദ്യപിച്ച ശേഷം ബന്ധുവായ സുരേഷിനെ (58) പിന്നിലിരുത്തി അമിതവേഗത്തില് ബൈക്ക് ഓടിച്ച് വരികയും കൊമ്പനോലി തെക്കുംമലയില് നിയന്ത്രണം വിട്ട് ബൈക്ക് മറിയുകയുമായിരുന്നു.പിന്നിലിരുന്ന സുരേഷ് തലയടിച്ച് റോഡില് വീഴുകയും ആശുപത്രിയില് എത്തിച്ചപ്പോഴേക്കും മരിക്കുകയും ചെയ്തു.
ബൈക്ക് ഓടിച്ച അജേഷിനെ നാട്ടുകാര് തടഞ്ഞുവച്ച് പൊലീസിന് കൈമാറുകയായിരുന്നു. പ്രതിക്കെതിരെ ജാമ്യമില്ലാ വകുപ്പ് ചുമത്തിയാണ് കേസ് രജിസ്റ്റര് ചെയ്തത്.
