കൊച്ചി: ജ്യോതിഷത്തെ തകര്‍ക്കുന്ന അന്ധവിശ്വാസ അനാചാര നിര്‍മാര്‍ജ്ജന നിയമത്തിനെതിരെ പ്രക്ഷോഭം ആരംഭിക്കാന്‍ എറണാകുളം ബിഎംഎസ് സംസ്ഥാന ഓഫീല്‍ ചേര്‍ന്ന ജ്യോതിഷ താന്ത്രിക സമന്വയ സംഗമം തീരുമാനിച്ചു. നിയമത്തിന്റെ മറവില്‍ ജ്യോതിഷം, തന്ത്രം, വാസ്തു മുതലായ ശാസ്ത്രങ്ങളെ അന്ധവിശ്വാസമെന്ന് മുദ്രകുത്തി തകര്‍ക്കാന്‍ ശ്രമിക്കുന്ന കരിനിയമത്തിനെതിരായി ഭാരതീയ ജ്യോതിഷ വിചാര സംഘത്തിന്റെ (ബിജെവിഎസ്-ബിഎംഎസ്) നേതൃത്വത്തിലാണ് സംഗമം നടത്തിയത്.
ബിഎംഎസ് സംസ്ഥാന പ്രസിഡന്റ് ശിവജി സുദര്‍ശന്‍ ഉദ്ഘാടനം ചെയ്തു. ഈ നിയമം പ്രബല്യത്തില്‍ വന്നാല്‍ ഭാരതീയ ജ്യോതിഷം-താന്ത്രികം- വാസ്തു ശാസ്ത്രം കൈകാര്യം ചെയ്യുന്നവരെ ശത്രുതാ മനോഭാവത്തോടുകൂടി കള്ളക്കേസുകളില്‍ കുടുക്കി ജീവിതം വഴിമുട്ടിക്കാനുള്ള ശ്രമങ്ങളുണ്ടാകുമെന്ന് ശിവജി സുദര്‍ശന്‍ പറഞ്ഞു. അതിനെതിരെ ശക്തമായ പ്രക്ഷോഭം സംഘടിപ്പിക്കുമെന്നും അദ്ദേഹം പറഞ്ഞു.
നിലവില്‍ പൂജയുടെ മറവില്‍ തട്ടിപ്പ് നടത്തുന്നവര്‍ക്കെതരിരെ കടുത്ത ശിക്ഷ ലഭിക്കാനുള്ള നിയമമുള്ളപ്പോള്‍ ദുഷ്ടലാക്കോട് കൂടിയാണ് ഈ നിയമം കൊണ്ടുവരാന്‍ ശ്രമിക്കുന്നതെന്ന് ബിജെവിഎസ് സംസ്ഥാന പ്രസിഡന്റ് എം. സുധീഷ് പണിക്കര്‍ പറഞ്ഞു. എല്ലാ ജ്യോതിഷ തന്ത്രിക സംഘടനകള്‍ ഒന്നിച്ച് നില്‍ക്കണമെന്ന് സംഘടന ജനറല്‍ സെക്രട്ടറി കുടജാദ്രി മഠം രാജാജെ ആവശ്യപ്പെട്ടു. സംസ്ഥാന രക്ഷാധികാരി സൂര്യകാലടി മന സൂര്യന്‍ സുബ്രഹ്‌മണ്യന്‍ ഭട്ടതിരി അധ്യക്ഷത വഹിച്ചു. ബില്ലിന് എതിരെ ബ്രഹ്‌മദത്തന്‍ പ്രമേയം അവതരിപ്പിച്ചു.
സംസ്ഥാന ജനറല്‍ സെക്രട്ടറി രാജാ ജെ. അയ്യര്‍, സംസ്ഥാന ഡെപ്യൂട്ടി സെക്രട്ടറി രജീഷ് കൃഷ്ണ, വിവിധ ജ്യോതിഷ താന്ത്രിക സംഘടനാ നേതാക്കളായ മുരളീധര പണിക്കര്‍, ലാല്‍ പ്രസാദ് ഭട്ടതിരി, ജി. നിശികാന്ത്, കരുണദാസ്, ബാലകൃഷ്ണ വാര്യര്‍, ദിലീപന്‍ നാരായണന്‍ നമ്പൂതിരി, കേരള ക്ഷേത്ര സംരക്ഷണ സമിതി സംസ്ഥാന ഉപാധ്യക്ഷന്‍ എം.മോഹനന്‍, സാബു വാസുദേവ്, അത്തിമറ്റം പ്രദീപ് നമ്പൂതിരി, അക്കീരമണ്‍ കാളിദാസ ഭട്ടതിരിപ്പാട്, നാരായണ ശര്‍മ്മ, അജിത്ത്കുമാര്‍, ലാല്‍പ്രസാദ് ഭട്ടതിരി, കൂറ്റനാട് രാവുണ്ണി പണിക്കര്‍, ആര്‍. സോമശേഖരന്‍പിള്ള, രജീഷ്‌കൃഷ്ണ എന്നിവര്‍ സംസാരിച്ചു.
ബിഎംഎസ് സംസ്ഥാന വൈസ് പ്രസിഡന്റ് അഡ്വ.മുരളീധരന്‍ സമരസമിതി ഭാരവാഹികളെ പ്രഖ്യാപിച്ചു. സൂര്യകാലടിമന സൂര്യന്‍ സുബ്രഹ്‌മണ്യന്‍ ഭട്ടതിരി (ചെയര്‍മാന്‍), രജീഷ്‌കൃഷ്ണ (ജനറല്‍ കണ്‍വീനര്‍). സദാശിവന്‍ പിള്ള (ഖജാന്‍ജി), ദിലീപന്‍ നാരായണന്‍, നിശികാന്ത്, മോഹനന്‍, ലാല്‍ പ്രസാദ് (വൈസ് ചെയര്‍മാന്‍മാര്‍), പ്രദീപ്, ഓമനക്കുട്ടന്‍, ഉദയ ശര്‍മ്മ, ഉഷ കുമാരി (കണ്‍വീനര്‍മാര്‍), ബിജു, പ്രീത, അശോക് കുമാര്‍, ഹരിനാരായണന്‍, വിജീഷ്, രാജഗോപാല്‍, രതീഷ്, മുരളിധരന്‍, നന്ദകുമാര്‍, ഷിനോജ് പണിക്കര്‍, ഷാജി കൃഷ്ണന്‍, ബൈജു (അംഗങ്ങള്‍) എന്നിവരെ തെരഞ്ഞെടുത്തു.
