കല്ലേക്കാട് വ്യാസവിദ്യാപീഠം പ്രിന്സിപ്പല് എ. ചെന്താമരാക്ഷന് ഭാരതീയ വിദ്യാനികേതന് സംസ്ഥാന അധ്യക്ഷന് പി. ഗോപാലന്കുട്ടി മാസ്റ്റര്, വിദ്യാഭാരതി ക്ഷേത്രീയ സെക്രട്ടറി എന്സിടി രാജഗോപാല് എന്നിവര് ഉപഹാരം നല്കുന്നു. വ്യാസവിദ്യാപീഠം മാനേജിങ് കമ്മിറ്റി പ്രസിഡന്റ് ശ്രീകുമാര് മേനോന്, സെക്രട്ടറി അഡ്വ. ശ്രീനാഥ് ശങ്കര് സമീപം
പാലക്കാട്: കല്ലേക്കാട് വ്യാസവിദ്യാപീഠം പ്രിന്സിപ്പല് എ. ചെന്താമരാക്ഷന് സ്കൂള് മാനേജ്മെന്റ് യാത്രയയപ്പ് നല്കി. വ്യാസ വിദ്യാപീഠം പരമേശ്വരീയം ഹാളില് നടന്ന യോഗം ഭാരതീയ വിദ്യാനികേതന് സംസ്ഥാന അധ്യക്ഷന് പി.ഗോപാലന്കുട്ടി മാസ്റ്റര് ഉദ്ഘാടനം ചെയ്തു. വ്യാസവിദ്യാപീഠം മാനേജിംങ് കമ്മിറ്റി പ്രസിഡന്റ് ശ്രീകുമാര് മേനോന് അധ്യക്ഷത വഹിച്ചു.
വിദ്യാഭാരതി ദേശീയ സെക്രട്ടറി എന്സിടി രാജഗോപാല്, വിദ്യാനികേതന് സംസ്ഥാന വൈസ് പ്രസിഡന്റുമാരായ എം. വേണുഗോപാല്, ആര്.വി.ജയകുമാര്, രാജലക്ഷ്മി, സെക്രട്ടറി കെ.ആര്. രജി, ബിഎഡ് കോളജ് പ്രിന്സിപ്പല് രേണുകാദേവി, സ്റ്റേറ്റ് അക്കാദമിക് ഹെഡ് ഡിന്റോ, റിട്ട. എഎസ്പി കെ.എല്. രാധാകൃഷ്ണന്, വ്യാസവിദ്യാപീഠം അഡ്മിനിസ്ട്രേറ്റീവ് ഓഫീസര് എ.സി. രാജേന്ദ്രന്, വ്യാസവിദ്യാപീഠം സെക്രട്ടറി അഡ്വ. പി.ശ്രീനാഥ് ശങ്കര്, വൈസ് പ്രിന്സിപ്പള് എ.ബി. രാമപ്രസാദ്, സീനിയര് അദ്ധ്യാപിക സുനിതകുമാരി, ബീന എന്നിവര് സംസാരിച്ചു.
34 വര്ഷത്തെ സേവനത്തിന് ശേഷമാണ് ചെന്താമരാക്ഷന് വിരമിക്കുന്നത്. 1992-ല് വ്യാസവിദ്യാപീഠത്തില് അദ്ധ്യാപകനായശേഷം കോഴിക്കോട് വേദവ്യാസ വിദ്യാലയം, എളമക്കര സരസ്വതി വിദ്യാനികേതന്, കല്ലേക്കാട് വ്യാസവിദ്യാപീഠം എന്നിവിടങ്ങളില് കഴിഞ്ഞ 28വര്ഷമായി പ്രിന്സിപ്പലായിരുന്നു.
വിദ്യാര്ത്ഥികളില് വിദ്യാനികേതന്റെ അച്ചടക്കത്തിലധിഷ്ഠിതമായ സാംസ്കാരിക വിദ്യാഭ്യാസ കാഴ്ചപ്പാട് വളര്ത്തിയെടുക്കുന്നതില് ചെന്താമരാക്ഷന് നല്കിയ സേവനം പ്രശംസനീയമാണെന്ന് ഗോപാലന്കുട്ടി മാസ്റ്റര് ചൂണ്ടിക്കാട്ടി.
