ബ്രസീലിയ: ലോകകപ്പ് ഫുട്ബോള് 2026ലെ എല്ലാ മത്സരങ്ങളും തത്സമയം കാണിക്കാനൊരുങ്ങി യുട്യൂബ് ചാനല്. ലോക ഫുട്ബോളിലെ സൂപ്പര് താരം ക്രിസ്റ്റ്യാനോ റൊണാള്ഡോയുടെ പിന്തുണയോടെ പ്രവര്ത്തിക്കുന്ന മീഡിയ കാമ്പനിയായ ലൈവ് മോഡിന്റെ ഭാഗമായുള്ള കേസ് ടിവിയാണ് യുട്യൂബ് ചാനലിലൂടെ ഇത്തവണത്തെ ലോകകപ്പ് തത്സമയം കാണിക്കാനൊരുങ്ങുന്നത്. പക്ഷെ ഭാരതത്തിലുള്ളവര്ക്കാര്ക്കും ഇത് യുട്യൂബ് ചാനലിലൂടെ കാണാനാവില്ല.
ബ്രസീല് കേന്ദ്രീകരിച്ച് പ്രവര്ത്തിക്കുന്ന മീഡിയ കമ്പനിയാണ് ലൈവ് മോഡും അതിന്റെ ഭാഗമായുള്ള കേസ് ടിവി എന്ന യുട്യൂബ് ചാനലും. ഇവരുടെ ലോകകപ്പ് ലൈവ് യുട്യൂബിന്റെ കാച്ച് എയില് വരുന്നവയാണ്. അതിനാല് ബ്രസീലിന് പുറത്ത് മറ്റെവിടെയും ഈ ചാനല് ആ സമയത്ത് കാണാനാവില്ല.
ഖത്തര് ലോകകപ്പിന്റെ കാലത്താണ് കാസിമിറോ മിഗ്വേല് എന്ന യുട്യൂബ് ചാനല് ഉടമയ്ക്ക് കീഴില് കേസ് ടിവിയുടെ തത്സമയ സംപ്രേഷണത്തിന് തുടക്കമിടുന്നത്. ഇത് ഏറെ ജനപ്രീതി ആര്ജിച്ചിരുന്നു.
ഭാരതത്തിലെ ലോകകപ്പ് തത്സമയ സംപ്രേഷണാവകാശം ഇതുവരെ ആരും നേടിയതായി ഉറപ്പായിട്ടില്ല. ഈ സാഹചര്യത്തിലാണ് ഒരു യുട്യൂബ് ചാനല് മത്സരം സൗജന്യമായി സംപ്രേഷണം ചെയ്യുന്നതായുള്ള വാര്ത്തകള് പരക്കുന്നത്.
