തിരുവനന്തപുരം: ഒറ്റ പടം കൊണ്ട് ഇവര്‍ ഉര്‍വശിയുടെയും കല്‍പനയുടെയും ഒപ്പം കസേര വലിച്ചിട്ടിരിക്കുന്നു കലാരഞ്ജിനിയെന്ന് ബിജെപി യുവനേതാവ് യുവരാജ് ഗോകുല്‍. മോഹിനിയാട്ടം എന്ന സിനിമയിലെ കലാരഞ്ജിനിയുടെ പ്രകടനത്തിനാണ് ഈ കയ്യടി യുവരാജ് ഗോകുല്‍ നല്‍കുന്നത്.
“ഒരൊറ്റ പടം കൊണ്ട് ഇവര്‍ കസേര വലിച്ചിട്ടത് ഉര്‍വശിയുടെയും കല്‍പനയുടെയും ഒപ്പമാണ്….ശബ്ദത്തിന് സംഭവിച്ച പ്രശ്ശം കാരണം ഇരുവരുടെയും നിഴലിലേക്ക് ഒതുങ്ങി പോയ കലാരഞ്ജിനി എന്ന ചേച്ചിയുടെ പ്രതിഭ അവര്‍ക്കൊപ്പമോ മുകളിലോ ആണെന്നറിയാന്‍ ഈ ഒരൊറ്റ ചിത്രം മതി….”- യുവരാജ് ഗോകുല്‍ ഫെയ്സ്ബുക്കില്‍ കുറിയ്‌ക്കുന്നു.
പ്രതിഭ വിളിച്ചറിയിക്കാന്‍ അതിവൈകാരികത നിറഞ്ഞ രംഗങ്ങളോ, അതിഭാവുകത്വങ്ങളോ ഒന്നും വേണ്ട…. നിസ്സാര രംഗങ്ങളിലെ ചെറു ഭാവങ്ങള്‍ മതി….ഒരൊറ്റ പടം കൊണ്ട് ഫാനാക്കി കളഞ്ഞു….
കലാരഞ്ജിനി മോഹിനിയാട്ടം എന്ന സിനിമയിലൂടെ. യുവരാജ് ഗോകുല്‍ കുറിയ്‌ക്കുന്നു.
